ایلاهی آیه‌لرین موقدسلیگی و قاریلرین سسلری‌نین قورآن
تلاوتینده اولان نقشلرینه دیقّت یئتیرماغینان بعضی نوع اوخوماقلار حرام و بعضیسی
جاییزدیر.
قورآن اوخوماق اوچون موختلیف مئتودلار وار کی بعضی نوع
اوخوماقلار حرام و بعضیسی جاییزدیر.
سسین
تیترتمه‌سی‌نین (تحریر) حرام اولماسی باره‌ده پیغمبردن (ص) مشهور بیر ریوایت وار
کی بوردا اونا ایشاره ائدیریک. او حضرت بویورور کی قورآن بوجور اوخونمامالیدیر:
الیف:
ترجیع
بو
سؤز باره‌ده موختلیف نظرلر وار. آما اونون مشهور تعریفی بودور کی سسده دالغا ایجاد
اولا و سس آلچالیب اوجالا و سس اوزانا. بو حالت بوگون چهچهه آدیندا تانینیر.
ب:
نَوح
بیر
یول کی قاری ائشیدنلرین آغلاتماسینا چالیشار. حقیقتده ائله قورآن اوخویا کی قولاق
آسانلار آغلایالار.
ج:
تحزین
قاری
قرائت زمانی طبیعی حالتدن چیخا و ریا اوچون آز قالا آغلایا کی قطعاً حرامدیر.
چ:
ترقیص
کلمه‌لری
قرائتینی یئیینله‌دیب یاواشاتماق و هابئله ساکین حرفلرین اوستونده دایانیب بیردن
بیره سونراکی کلمه‌نین قرائتینی باشلاماق.
خ:
تطریب
کلاما
آهنگ وئرماق کی سسی چکماق و بوغازدا دولاندیرماغا تطریب دئیرلر. طرب و شادلیق
یارادماق بو مئتوددا اولور. قورآنی شاد اوخوماق قبول ائدیله‌سی دئییل.
د:
ترعید
ترعید
سسی تیتره‌تماغا دئییرلر و تحریره بنزر بیر شئیدیر. البته تحریر خواننده‌نین اؤز
ایختیاری‌اینن اولور آما ترعید یوخ. تحریری یارادماق اوچون اللری و بدنی ترپتماق ایشتیباهدیر
و حقیقتده ترعید حسابلانیر.
هر
حالدا قورآن قاری‌لری گرک قرائتدن منظورلاری ایلاهی آیه‌لرین ایلقاسی اولسون و بو
یوخاری هدفین یئرینی آیری بیر شئی توتمالیدیر.