ترکی | فارسی | العربیة | English | اردو | Türkçe | Français | Deutsch
جمعه 10 فروردين 1403 - 18 رمضان 1445
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 0
ديروز : 242
ماه : 3464
 
تاریخ : شنبه 28 مرداد 1396     |     کد : 1474

غضب اوددان و شیطانین جنسیندندیر

انسان فقط حق اوستونده غضبلنمه‌لیدیر و حتی بویولدا اؤلومه قدر گئتمه‌لیدیر.

انسان فقط حق اوستونده غضبلنمه‌لیدیر و حتی بویولدا اؤلومه قدر گئتمه‌لیدیر.

غضب، عاغلین سلطه‌سی آلتیندا اولاندا آدی شجاعت اولار آما اؤز باشینا بوراخیلسا عاغیلسیزلیق ساییلار و انسانی هلاکته آپارار.

غضبی اولمایان انسان قورخویا مبتلا اولار. غضب، انسان بدنی‌نین مدافعه سیستمی‌دیر کی بحران شرایطینده بوتون گوجلری خصمین علیهینه بسیج ائلیر.

وسائل الشیعه‌نین 15-جی جلدینده بئله گلیب: امام جعفر صادق (ع) بویورور: بیر نفر پیغمبرین (ص) محضرینه گلیب عرض ائلیر: یا رسول الله علّمنی؛ یا رسول الله منه بیر شئی اؤرگت. حضرت جواب وئریر: اذهب فلا تغضب؛ گئت هئچ واخت غضبلنمه. پیغمبر (ص) «فاء»نی «لا»نین باشینا گتیریب یعنی هئچ واخت.

آیری یئرده حضرت علی (ع) بئله بویورور: «لَا تُسْرِعَنَ‏ إِلَی‏ الْغَضَبِ‏ فَیَتَسَلَّطَ عَلَیْکَ بِالْعَادَة» / هئچ واخت غضبلنماغا تلسمه کی سنه عادت شکلنده مسلط اولار.

یئنه امام جعفر صادق (ع) نقل ائلیر کی پیغمبر (ص) بئله بویورور: شجاعت بودور کی غضب زمانی و بو غضبین شدّتی تأثیرینده، اوزوز قیزارا تؤکلریز تیترتمه توتا؛ و سیز اؤزوزو کنترل ائلیه‌سیز.

نهج‌الفصاحه‌ده پیغمبردن (ص) بئله نقل اولوب: «أَلاَ وَإِنَّ الغَضَبَ جَمْرَةٌ فِی قَلْبِ ابْنِ آدَمَ. أَمَا رَأَیْتُمْ إِلَی حُمْرَةِ عَیْنَیْهِ وَانْتِفَاخِ أَوْدَاجِهِ؟ فَمَنْ أَحَسَّ بِشَیْءٍ مِنْ ذَلِکَ فَلْیَلْصَقْ بِالْأَرْضِ » بیلین غضب، انسانین اورگینده‌ کؤزلر کیمیدیر. گؤرمورسوز غضب زمانی گؤزلری قیزاریر و بویون دامارلاری شیشیر؟ هر کیمده بئله حس اولسا یئره اوتورسون».

انسانین غضبی عاغلینین و مطمئنه نفسی‌نین سلطه‌سی آلتینا گئتمه‌یینجه، انسانی هلاکته آپارار. شیطان‌دا اؤز جنسیندن اولان غضبی گؤردویونده خوشو گلر و الی ایش گؤرماغا آچیلار.

شیطان ابراهیم خلیله (ع) دئییر: من حاکملر و قدرت صاحبلرینه وارد اولماق ایسته‌سم اؤز جنسیمدن اولان غضب اینن وارد اولارام. «فسلطهم بالغضب فان الغضب کیدی عظیم» اونلارا غضب واسطه‌سی اینن مسلط اولارام. البته غضب منیم بؤیوک حیله‌مدیر.


نوشته شده در   شنبه 28 مرداد 1396  توسط   کاربر 1    تعداد بازدید  111
PDF چاپ چاپ بازگشت
نظرات شما :
 
Refresh
SecurityCode