شیعه‌دن سونرا اسلامین آیری مذهبلرین رجعت مسأله‌سینه اعتقادلاری یوخدور.
آما معصوملاردان نقل اولان روایتلر و قرآن کریمیده بیر سئری آیه‌لر اینن رجعت مسأله‌سینی ثابت ائله‌ماق ولار.
نمل سوره‌سی‌نین 82 الی 85-جی آیه‌لرده بئله بویورور: «وَ إِذا وَقَعَ الْقَوْلُ عَلَیْهِمْ أَخْرَجْنا لَهُمْ دَابَّةً مِنَ الْأَرْضِ تُکَلِّمُهُمْ أَنَّ النَّاسَ کانُوا بِآیاتِنا لا یُوقِنُونَ. وَ یَوْمَ نَحْشُرُ مِنْ کُلِّ أُمَّةٍ فَوْجاً مِمَّنْ یُکَذِّبُ بِآیاتِنا فَهُمْ یُوزَعُونَ. حَتَّی إِذا جاؤُ قالَ أَ کَذَّبْتُمْ بِآیاتِی وَ لَمْ تُحِیطُوا بِها عِلْماً أَمَّا ذا کُنْتُمْ تَعْمَلُونَ. وَ وَقَعَ الْقَوْلُ عَلَیْهِمْ بِما ظَلَمُوا فَهُمْ لا یَنْطِقُونَ»
و یادینا سال او گونو کی بیزیم آیه‌لری یالان سایانلاردا بیر دسته‌سینی محشور ائلروق و محشور اولانلار داغیلماقدان قورونارلار تا کی اونلاری بیر یئره ییغاق. الله اونلارا دئیر:منیم آیه‌لر و نشانه‌لریمی یالان سانیب اونلاردا دوشونمه‌دیز؟ و اونلاری بیلمه‌دیز؟ سیز منیم آیه‌لریمی یالانلاماقدان ساوایی نه ایش گؤروردوز؟ و الله‌ین آیه‌لرینی تکذیب ائله‌دیقلارینا گؤره، «آلله ظالملری هدایت ائله‌مز» سؤزو اونلار باره‌ده واقع اولدو. بو اوزدن اونلار اؤزلرینی هئچ عذر تاپا بیلمز و هئچ نه دانیشمازلار.
«دابة الارض»ین جزئیاتی و اونون صفتلری و دقیق مشخصاتی باره‌ده شیعه و سنی کتابلاریندا چوخلو حدیث وار.
بو حدیثلرین چوخو بو آیه‌لرین رجعت مسأله‌سینه و یاخشیلاردان و پیسلردن بیر دسته‌نین قاییتماسینا اشاره اولدوغونو دئییر. چونکی اگر قایمته اشاره اولورسا « مِنْ کُلِّ أُمَّةٍ فَوْجاً» (هر امتدن بیر دسته) تعبیری صحیح اولماز. چونکی قیامتده هامی محشور اولاجاق. نئجه کی قرآ« کریم کهف سوره‌سی‌نین 47-جی آیه‌سینده بئله بویورور: «وَ حَشَرْناهُمْ فَلَمْ نُغادِرْ مِنْهُمْ أَحَداً»؛ و بیز اونلاری محشور ائدریک و هئچ کسی ترکیتمه‌ریک.
آما سنی عالملر بو آیه‌لری قیامت باره‌سینده تفسیر ائلیرلر. اونلار «فوج» کلمه‌سینی هر جمعیتین رئیسلری بیلیرلر و آیه‌لرین ناهماهنک اولماسینا گؤره بئله تفسیر ائلیرلر کی حقیقتده 83-جو آیه 85-جی آیه‌دن سونرا واقع اولمالی ایدی.
شکسیز بو دنیادا اؤلولرین بیر عده‌سی‌نین تازاان دیریلمه‌سی محالاتدان دئییل. هامی‌نین قیامتده محشور اولماسی کیمی.