هئچ سؤزو و یازینی تحقیقسیز قبول ائله‌مه‌مهلی‌یوق بلکه هر سؤز باره‌ده تحقیق ائله‌مه‌لی‌یوق.
«ق» سوره‌سینده انسانین هر سؤزونو ملکلر طرفیند ضبط و ثبت اولماسینا اشاره اولور. بو سؤزو انسانین بوتون عمل‌لرین عمومیت وئرماق اولار. یعنی انساندان هر عمل صادر اولاور یا یاخشیدیر و یا پیسدیر و بو ایکیسیندن خارج دئییل.
آما کمیل دعاسیندا گلدیغی کیمی بعضا الله تعالی بیزلرین سرّینی ساخلاماق اوچون بعضی عمل‌لریمیزین یازیلماسینا اذن وئرمز.
امام جواد (ع) بیر حدیث ضمنینده بویوروب هر کس بیری‌نین سؤزونه قولاق آسیر اونو عبادت ائله‌میش اولور. بو مسأله بو گونکی دنیامیزدا بئله اولار کی هر کس بیری‌نین روزنامه‌سینی اوخویا بیری‌نین سایتینی تعقیب ائله‌یه بیری‌نین دانیشیغینا قولاق آسا بو حدیثین مصداقلارنیدان سایلار. اگر سؤزو قولاق آسیلان حقدن و الله‌دان اطاعت ائله‌میش اولسا قولاق آسانین بو عملی‌ده الله‌ی اطاعت ائله‌ماق سیراسیندا یئرلشر. آما نعوذ بالله سؤز دانیشان باطل دانیشیرسا قولاق آسانین ایشی زای اولار. اونا گؤره هر ائشیتدیغیمیز سؤز باره‌ده تحقیق ائله‌ماق لازمدیر کی نعوذ بالله شیطانا تابع اولمایاق.