جهانی حکومت فقط جماعتین بو ایلاهی هدایته حاضر اولدوقلاری زمان بهره وئرر. و بو حاضرلیق اولماسا ظهورون ثمره‌سی اولمایاجاق.
هر جامعه‌نین گله‌جاغی او جامعه‌نین اراده‌سی و عمل‌لریندن آسیلیدیر. یعنی جماعتین جمعی اراده‌سی مناسب فضانی اؤزو اینن گتیرن زمینه‌لری و بسترلری فراهم ائلر. نتیجه‌ده جامعه‌نین گله‌جاغی جامعه‌ده حاکم اولان فضانین اقتضاسی اساسینا شکل تاپار. بونو بیر مثالینان توضیح وئرماق ایسته‌سک بئله دییریک: هر داغ قلّه‌سی‌نین داغ قلّه‌سی اولماسی اوچون داغین اَتَکلری‌ده لازمدیر. یعنی بیر داغین اتکلری اولمازسا اونون قله‌سی‌نین ثمره‌سی اولماز. قله او زمان قله‌لیق مقامیندا اولار کی اونا زمنیه اولان داغین اتکلری‌ده اوردا اولسونلار.
نتیجه‌ده جهانی عدالت حکومتینی آختاران انسانلار بونون واقعیته تبدیل اولماسی اوچون اوّلده اجتماعی زمینه‌لری فراهم ائله‌مه‌لیدیلر.
اماملاریمیز هر بیری اؤز زمانیندا حاضر ایدلر آما زمینه‌نین فراهم اولمادیغی اوچون مطلوب نتیجه اله گلمه‌دی.