ترکی | فارسی | العربیة | English | اردو | Türkçe | Français | Deutsch
يکشنبه 4 مهر 1400 - 18 صفر 1443
 
 
 لینکهای بالای آگهی متحرک سمت راست
 
 لینکهای پایین آگهی متحرک سمت راست
 
 
امروز : 0
ديروز : 23
ماه : 1200
 
تاریخ : چهارشنبه 25 مرداد 1396     |     کد : 1469

آیةالله سبحانی: دینه مخالف اولان نظریه نقدسیز تدریس اولماسین / علمین قاپیسینی باغلاماق ایسته‌میروق

آیةالله سبحانی علملری اسلامی ائله‌ماغین قاپیلاری باغلاماق معناسیندا اولمادیغینی دئماغینان تأکید ائله‌دی: دین مبنالاری اینن مخالف اولان نظریه، دانشگاهین درسلرینه نقدسیز قویولمامالیدیر.

آیةالله سبحانی علملری اسلامی ائله‌ماغین قاپیلاری باغلاماق معناسیندا اولمادیغینی دئماغینان تأکید ائله‌دی: دین مبنالاری اینن مخالف اولان نظریه، دانشگاهین درسلرینه نقدسیز قویولمامالیدیر.

مهرین وئردیغی خبره گؤره، دانشگاهلار و انسانی علملرین اسلامی‌لشماغی اینن مخالفت بابیندا بیر سئری نظرلر منتشر اولور. تهران دانشگاهی تقلید مرجعی اولان آیةالله سبحانی اینن دانشگاهلارین و انسانی علملرین اسلامی‌لشمه‌سی و بعضی‌لرین بوننان مخالفتی باره‌ده دانیش آپاریب و مهرین اختیاریندا قویوب. آیةالله سبحانی‌نین جوابینی آشاغیدا اوخویا بیلرسیز:

دینی و فرهنگی مسأله‌لره عنایتیزه گؤره سیزدن تشکر ائدیرم. دانشگاهلارین اسلامی اولماق مسأله‌سینی امام خمینی (ره) مطرح ائله‌دیلر. منظور، دانشگاه محیطینده اسلامی ارزشلرین مختلف زاویه‌لرده حاکم اولماسیدیر. دانشگاه محیطی علمی و دینی محیط اولسون. الله ائله‌مه‌میش دانشگاها حاکم اولان شرایط، اسلام ضابطه‌لری اینن مخالف اولماسین، چونکی اسلاما گؤره تعلیم و تربیتین هدفی، ایلاهی انسانلارین تربیتیدیر. اسلام پیغمبری‌نین بعثت هدفی فضیلتلر و اخلاق مکارمی‌نین تکمیل‌لشمه‌سیدیر. قرآندا اوخویوروق اقرأ بإسم ربک، علم و تعلیم جهتلی اولمالیدیر و اونون جهتی ربین آدی و متعال الله‌ا توجه ائله‌ماقدیر. مسلماً دانشگاه درس اوخوموشلاری، عالم، متعهد و جماعت و مسلمانلار خدمتینده اولسالار، هم اؤزلری سعادته چاتارلار و هم اؤلکه و جماعتین استقلالی تأمین اولار. نتیجه‌ده اونلار بوتون دانشگاهلارا الگو اولارلار.

انسانی علملری اسلامی ائله‌ماق قاپیلاری آیری دوشونجه‌لره باغلاماق معناسنیدا دئییل

 آما انسانی علملری اسلامی ائله‌ماق، البته دنیا عالملرین بوتون دوشونجه و نظریه‌لرینی قیراغا قویماق و قاپیلاری اؤز اوزوموزه باغلاماق و انسانی علملرین مسأله‌لرینی فقط اسلامی منبعلردن استخراج ائله‌ماق معناسیندا دئییل. بو تفسیر تماماً اشتباه و بو نظردن دفاع ائله‌ینلرین مقصودو دئییل. بلکه هدف بودور کی مدیریت، روانشناسی، جامعه شناسی کیمی بوتون انسانی علملرین ساحه‌سینده دنیا عالملری‌نین دوشونجه و نظریه‌لریندن بهره آپارماغینان، دینین مسلم اصول و مبانی و نظریه‌لری اینن یوزه یوز مخالف اولسا، نتقد معرضینده اولا. البته نقد اولمامیش دانشگاهین درسلری سیراسیندا قویولمایا.

غربی نظریه‌لرین نقدسیز مطرح ائله‌ماغی دوز دئییل

اونو مطرح ائله‌ماق مجبوریتینده اولساق تدریس ائله‌ین اوستاد ائله تبحرلی اولمالیدیر کی اونو طرح ائله‌یندن سونرا نقد ائلیه بیلسین. بئله اولمادیغی تقدیرده بئله‌نچی نظریه‌لرین مطرح نقدسیز طرح اولونماسی اسلامین مطلوبو دئییل و دینی جامعه‌ ده دانشگاهلاردان ایستیر جوانلارین ذهنینی بو غیر صحیح و اسلامی مخالفی اولان نظریه‌لر اینن دولدورماسین. مطرح اولسا دا نقد اینن بیرلیقدا اولسون. بو نظریه‌لرین کناریندا صحیح و مسلم دینی مبنالارا دایانان نظریه‌لر ده مطرح اولسون.

سؤزون آیدینلاشماسی اوچون نئچه مثال وورورام:

1. انسان شناسی مسأله‌سینده و مختلف موضوعلاردا هله ده نوعلار تکاملی و انسانین حیواندان منشق اولماسی داروینیزمین بیان ائله‌دیغی کیمی دانشگاهلاردا تدریس اولور. البته اوندان سونرا آیری نظریه‌لر ده مطرح اولوب. بو موضوعنون تدریسی نقدسیز دوزدور؟ بو ثابت اولمایان نظریه‌لری علم بما هو علم آدینا دانشجولارین ذهنین تحمیل ائله‌ماق دوزدو؟ البته بو نظریه‌نی درسلردن قیراغا قویماق منظور دئییل بلکه بو نظریه نقد اینن همراه اولسون. ضمناً اونون کناریندا اسلامین صحیح نظریه‌سی‌ده مطرح اولمالیدیر کی دانشجولار اسلامی باخیشلارینان تانیش اولسونلار.

2. ماوراء طبیعته ایمان و اینانماغین قایناغی بابیندا بعضی روانشناسلار و جامعه شناسلارین ماترالیزم اساسیندا مطرح اولان غیر صحیح فرضیه‌لری وار. مثلاً فرویدون نظریه‌سی کی انسانین ماوارءطبیعته میلینی جنسی غریزه اینن توجیه ائلیر. حال بوکی اسلامی فلسفه بو موضوعنون ریشه‌سینی کفایت قدر دلیلی اولان فطرت نظریه‌سینه تأکید ائلیر. فرویدون نظریه‌سی و اونون کیمی نظریه‌لری مطرح ائله‌ین اوستادلار اونلاری نقد ائله‌مه‌لیدیلر.

3. اقتصاد ساحه‌سینده ده قضیه منفصله شکلینده ایک نظریه مطرح اولور: بیر دسته منفعتی سرمایه‌نین نتیجه‌سی بیلیرلر و فعال عامل اوچون اصلاً سهمه قایل اولماییب و یا آز سهم وئریرلر؛ اونون مقابلینده عامل و کارگرین نظریه‌سی مطرحدیر که گلیر و سرمایه‌نی کارگرینکی بیلر. بیرینجی نظریه کاپیتالیزم و ایکینجی نظریه سوسیالیزمدیر. بیر حالداکی اسلام ثروت یاراتماقدا هر ایکیسینه نقش وئریر و مضاربه و مزارعه‌ین تصویبی بونا شاهددیر.

البته بیز بو مثال‌لاری تقریب ذهنه گؤره دئدیک یوخسا مسأله بوندان‌دا دریندیر.

آخرده محترم مسئول‌لاردان مخصوصاً رئیس جمهوردان، فرهنگی انقلاب شوراسیندان، انسانی علملر تحوّل شوراسی و دانشگاهلارین متعهد اوستادلاریندان ایستیروق بو موضوعا داها آرتیق عنایتلری اولسون. حتی بو ایده‌نین تحقق تاپماسی اوچون بو رشته‌لرده نظریه‌لری اولان حوزه اوستادلاری و بؤیوک عالملردن استفاده ائله‌سینلر.


نوشته شده در   چهارشنبه 25 مرداد 1396  توسط   کاربر کلانتری    تعداد بازدید  119
PDF چاپ چاپ بازگشت
نظرات شما :
 
Refresh
SecurityCode