پیغمبرین سنّتی و عادتی شعبان آییندا گئجه‌لری آییق قالیب عبادت ائله‌ماق و گونوزلری اوروج توتماق ایدی. بو آیی رحمت آیی ائله‌ین پیغمبریمیزدیر(ص).

 بو آیین گؤزل دعالاریندان شعبانیه صلواتیدیر کی امام سجاد (ع) بو دعادا بیزلره اؤرگدیر الله‌دان بیزی پیغمبر کناریندا اولماغی نصیب ائله‌سین سونرا اونون رسالت و وحیی‌نی بیزه آچیق یول قرار وئرسین.

انسان شعبانیه صلواتیندا اؤزونو الله‌ین حدسیز رحمتی‌نین کؤلگه‌سینده گؤرور. بو دعادا الله‌دان پیغمبری بیزه شافع اولماسینی ایستیریک. «وَاجْعَلْهُ لي‌ شَفيعاً مُشَفَّعاً وَطَريقاً اِلَيْكَ مَهيَعاً» بو جمله‌ده امام سجاد (ع) الله‌ا عرض ائلیر: الله بو آی پیغمبرین آییدیر، و بو آیین آشاغی یوخاریسی رحمت آییدیر و بو آیین باشدان آشاغی‌یا رحمت اولماسی بونا خاطردیر کی الله‌ین رسولو بو آیین گئجه گوندوزونو عبادت ائله‌ییب. یعنی زمانی بو متزمّن مبارک ائله‌ییب، نئجه کی مکانی بو متمکّن برکتلندیریب.