انسان، الله‌ین
وئردیغی عقل اینن و متخصص انسانلارینان مشورت ائله‌ماغینان ایشه باشلامالیدیر و عین زماندا الله‌دان اونو بو یولدا موفق ائله‌ماغینی ایسته‌مه‌لیدیر.
حقیقتده دعانین اصل معناسی بودرو: هدفه چاتماغا لاپ دوز ایشلری گؤرمک و الله‌دان کؤمک ایسته‌مک. بئله‌لیغینان
دعا ایکی قسمتدن عبارتدیر: 1. لازم اولان ایشلره اقدام ائتمک. 2. الله‌ین کؤمگینه اومود باغلاییب اونا یالوارماق.
نتیجه‌ده بیر
ایشین هدفه چاتماسی اوچون هم فیزیکی ایشلر و هم معنوی حال لازمدیر. آما بوننان
بئله بعضاً ایشین نتیجه‌سی هر شئیی دوزگون ائله‌دیغیمیزا رغماً ایسته‌دیغیمیز کیمی اولمور. بئله‌نچی وضعیتده تکلیف نه‌دیر؟
دعانین مستجاب اولماسی همیشه ایسته‌دیغیمیز ایشی گؤره بیله‌جاغیمیز معنادا دئییل. بعضاً ایشلرین بیز ایسته‌دیغیمز زمان گؤرولمه‌سی مصلحت اولمور مثلاً بیر ایل سونرا واقع اولسا بیزه داها مصلحتلی اولار.
بعضاً ده بیر ایشین اجرا اولونماسی اصلاً منفعتیمزه دئییل آما بیز اصرارینان اونو
یئرینده اوتورتماغا چالیشیروق. بوجور وضعیتلرده گؤرورسن نه قدر چالیشیرسان و دعا
ائلیر هئچ فایداسی اولمور کی اولمور.
انسان بیر ایستگین یئرینه گتیریلمه‌سینی ایسته‌سه اونون
یولونداکی مانعلری‌ده
آرادان گؤتورمه‌لیدیر.
دعالارین مستجاب اولونماسیندا گناهلار همیشه مانع یارادیر. کمیل دعاسیندا گؤزل بیر
عبارت وار: « اللهم اغفر لي الذنوب التي تحبس الدعا» /الله‌یم دعانی حبس ائله‌ین گناهلاریمی باغیشلا./ بو دعا بعضی گناهلارین دعانین استجابتینه مانع
اولماسیندان خبر وئریر.