امام علی بن
موسی الرضا (ع) بیر روایتده بویورور: «باجیمیز قم شهرینده دفن اولوب، هر کس بو
خانیمی زیارت ائله‌سه جنّت اونون اوچوندور.
امام محمد تقی‌ده
(ع) بیر روایتده بویورور: « هر کس منیم عمه‌مین (خانم
معصومه‌نی (س)) قبرینی قم شهرینده زیارت ائله‌سه
جنّت اونون اوچوندور».
انسانس
جنّتلیق ائله‌ین عمل‌لر نئچه جوردولر. ائله عمل
وار کی جنّتین قاپیسینی انسانین اوزونه آچار، ائله عمل‌ده
وار کی جنّته انسانا مشتاق ائلر.
ظاهری زیارتی
چوخلاری یئرینه گتیریرلر آما واقعی زیارتین اؤزونه مخصوص آدابی و شرایطی وار.
واقعی زایر همیشه حقّه طرف اولار، یالان دانیشماز، غیبت ائله‌مز،
افترا آتماز و بیر سؤزله الله‌ین واقعی بنده‌سی
اولار. بئله انسان الله‌ین اونا وئردیغی نعمتلرین
هامیسی‌نین حقّینی یئرینه گتیرر. استعدادلارینی هدره وئرمز، الله
بنده‌لرینه خدمتدن چکینمز. بئله بیر انسان الله سئون انسانین
مزارینی زیارت ائلیه بیلر. بئله بیر انسانا زایر دئماق اولار. آما اؤزگه‌نین
حقّینیه یئماغینان، انسانلارا ظلم ائله‌ماغینان بئله، آدینی زایر
قویاسان جنّتلیق اولمازسان کی هئچ جنّتی اییله‌ماغا
بئله قویمازلار.