بوتون گناهلار الله‌ین غضبینه باعث اولار آما قرآن کریمین نئچه یئرینده الله
تعالی بعضی گناهلاری ساییب اونلاری عذابا لایق بیلیب.
«غَیرِ المَغضُوبِ عَلَیهِمْ»
«اونلارا غضبلندیغینلردن ساوای». گونون بئش واخت نمازلاریندا، الله‌دان بیزی دوز
یولا هدایت ائتمه‌سینی ایستیریک. سونرا دوز یولون، الله اونلارا نعمت
وئرنلرین یولو اولدوغونو و الله‌ین غضبینه دچار اولانلارین یولو اولمادیغینی دئییریک. آما
الله‌ی
غضبلندیرن ایشلر نه‌لردیر؟
الله‌ین غضبی اونون مجازاتی معناسیندادیر یعنی گناهلارین
مجازاتی. بوتون گناهلار دا الله‌ین غضبینه سبب اولار. آما گناهلارین هامیسی‌نین الله غضبینه سبب
اولماسینا رغماً نییه قرآندا بعضی شخصلر گناها لایق تانیتدیریلیب؟
قرآندا ««المَغضُوب عَلَیهِمْ» کیمی تانینان قوملار آیریلاریندان داها پیس
اولان انسانلاردیلار کی اونلارین عاقبتیندن عبرت گؤتورمک لازمدیر.
قرآندا غضبه لایق گؤرولن قوملارین بیری عاد قومودور. «وَإِلَى عَادٍ أَخَاهُمْ
هُودًا قَالَ یَا قَوْمِ اعْبُدُواْ اللّهَ مَا لَکُم مِّنْ إِلَهٍ غَیْرُهُ أَفَلاَ
تَتَّقُونَ» (اعراف/65) عاد قومونا قارداشلاری هودو گؤندردیک. بویوردو: ائی قوم
الله‌ا بنده‌لیک ائله‌یین کی سیزین
اوچون اوندان ساوایی الله یوخدور. آیا متّقی اولموزسوز؟
عاد قومو نوحدان سونرا یمن چؤلونده یاشایان انسانلار ایدی. اونلاری مادی و
جسمی جهتدن گوجلو ایدیلر آما اخلاق و ایناملاریندا انحرافلاری واریدی. الله تعالی
هود پیغمبری اونلارین هدایتی اوچون گؤندردی. بو جریان قرآنین نئچه سوره‌سینده گلیب کی
بیر بؤلومو مبارکه اعراف سوره‌سینده بئله بویورور: «أَوَعَجِبْتُمْ أَن جَاءکُمْ ذِکْرٌ مِّن
رَّبِّکُمْ عَلَى رَجُلٍ مِّنکُمْ لِیُنذِرَکُمْ وَاذکُرُواْ إِذْ جَعَلَکُمْ خُلَفَاء
مِن بَعْدِ قَوْمِ نُوحٍ وَزَادَکُمْ فِی الْخَلْقِ بَسْطَةً فَاذْکُرُواْ آلاء اللّهِ
لَعَلَّکُمْ تُفْلِحُونَ؛(اعراف/69) آیا تعجب ائلیرسیز کی سیزی (عذابدان)
قورخوتماق اوچون الله طرفیندن ذکر، سیزین اؤزوزدن بیریسی طرفیندن سیزه چاتیب. و
یادیزا سالین سیزی نوح قومونون یئرینه قویدوغونو و سیزی خلقتده آرتیردیغینی. پس
الله‌ین
نعمتلرینی یادیزیا سالین بلکه سعادته چاتدیز».
سونرا الله تعالی قرآندا بویورور: «وَأَمَّا عَادٌ فَأُهْلِکُوا بِرِیحٍ صَرْصَرٍ
عَاتِیَةٍ* سَخَّرَهَا عَلَیْهِمْ سَبْعَ لَیَالٍ وَثَمَانِیَةَ أَیَّامٍ حُسُومًا
فَتَرَى الْقَوْمَ فِیهَا صَرْعَى کَأَنَّهُمْ أَعْجَازُ نَخْلٍ خَاوِیَةٍ؛ آما
عاد قومو عصیانکار طوفاندان اؤلدورولدولر. (الله تعالی) اونو، یئددی گئجه سککیز
گون اونلارا مسلط ائله‌دی. بو مدّتده او قومو، ایچی بوش خرما آغاجلاری کیمی دوشموش
گؤروردون». (الحاقه/ 7 و 8)
عاد قومونون گناهی
پیغمبرلری اونلاردانالله‌ین وئردیغی نعمتلری و گوجو اؤز یولوندا استفاده ائله‌مه‌سینه چاغیرمیشدی
آما اونلار کؤنزلیق ائله‌ییب دئمیشدیلر: «قَالُواْ أَجِئْتَنَا لِنَعْبُدَ اللّهَ وَحْدَهُ
وَنَذَرَ مَا کَانَ یَعْبُدُ آبَاؤُنَا فَأْتِنَا بِمَا تَعِدُنَا إِن کُنتَ مِنَ الصَّادِقِینَ؛(اعراف/
70) بیزه گلیب دئییرسن کی فقط بیر الله‌ی عبادت ائدک و اجدادیمیزین عبادت
ائتدیقلاریندان ال چکاق. اگر دوز دئییرسن وعده وئردیغینی (عذابی) بیزه گتیر». هود
جواب وئریر: « قَالَ قَدْ وَقَعَ عَلَیْکُم مِّن رَّبِّکُمْ رِجْسٌ وَغَضَبٌ أَتُجَادِلُونَنِی
فِی أَسْمَاء سَمَّیْتُمُوهَا أَنتُمْ وَآبَآؤکُم مَّا نَزَّلَ اللّهُ بِهَا مِن سُلْطَانٍ
فَانتَظِرُواْ إِنِّی مَعَکُم مِّنَ الْمُنتَظِرِینَ؛(اعراف/ 71) دئدی: سیزه الله
طرفیندن غضب و پیسلیق گلیب. آیا من اینن الله‌ین اونلار باره‌ده هئچ امر نازل
ائله‌مه‌میش، سیز و
اجدادیز قویدوغوز آدلار باره‌ده مجادله ائلیرسیز؟ پس گؤزله‌یین من‌ده سیزینله گؤزله‌رم».
بئله‌لیغینان « المَغضُوبِ عَلَیهِمْ» مصداقلاریندان بیری عاد
قومودور.
بو جریاندان ایک عبرت آلماق اولار: الله‌ین وئردیغی
نعمتلر قاباغیندا شاکر اولماق و اونلاری اؤز یولوندا ایشلتماق. لجاجت و کؤنزلیق
ائله‌مه‌ماق.
الله بیرینه نعمت وئردیغی حالدا قدرینی بیلمه‌سه ایلاهی عذابی
گؤزله‌مه‌لیدیر. امام علی
(ع) بویورور: جماعت بیلین الله تعالی سیزه هر نعمت وئرسه بوینوزدا حق وار. او حقی،
شکر اینن یئرنه گتیرسه‌ز الله اونو آرتیرار آما نا شکرلوق ائله‌سز بیلین نعمت
الیزدن آلینار. اولا بیلر بو دنیادا اونون عقوبتین گؤره‌سیز. الله سیزه
نعمت وئریب. بو نعمتین دوز یولدا ایشلنمه‌مه‌سیندن قورخون.
عاد قومونون ایکیمینجی گناهی‌دا حق قاباغیندا کؤنزلیق ایدی. حضرت هود اونلاری الله
یولوندا حرکت ائله‌ماغین دوزلوغونا دلیل گتیریردی آما اونلار قبول ائله‌میردیلر. بیر حق
قاباغیندا کؤنزلیق ائله‌سه عذابا دچار اولار.