اربعین، 40 چتین و غملی گونو دالی قویموش کروانین کربلایا قاییتماسیدیر. مغلوبیـّتده اولماسی گرکلی اولان کروان، ایندی باشی اوجا قاییدیر. مغلوبیّت زهرینی عبیدالله و یزیدین داماغینا تؤکوب. اونلارین غاصبانه قدرتلرینی انتقادا باغلاییب و یالان، حیله و ریا پرده‌لرینی کنارا چکیب کی حقیقتین تاماشاسی راحت اولسون. اربعین ظالمین رسوایلیق و مظلومون غالبیّت جلوه‌سیدیر.

اربعین حقّین اسیرلیق جادّه‌سی‌نین آخری و ظلم اسیرلیغی‌نین اوّلی‌دیر. حقیقت گؤزو اینن باخیلسایدی او گون 32 مین زنجیرلنمیش گؤرولردی کی اونلارین قاباغیندا عبیدالله و عمر سعد گئدیردی.

اربعین، حسین اصحابینا سلام گونودور. صیقل‌لنمیش جانلارا سلامدیر و بو سلام معرفته، یقینه، عبادته و آزادلیغا سلامدیر. اربعین گونو یاخجیلیق و یاخجیلارینان بیعت ائله‌ماقدیر.

اربعین آیریلغین بیتمه‌سی و وصالین باشلانیشیدیر.