قبر زیارتی‌نین
مشروعیّتی باره‌ده تاریخ بویو چوخلو دلیل‌لر دئییلیب. بو دلیل‌لرین بعضیسی محمد
پیغمبرین (ص)، معصوم اماملارین (ع) و الهی اولیانین قبرلری و بعضیسی مؤمنلرین
قبرینی زیارت ائله‌ماغی‌نین جایزلیغی باره‌ده ذکر اولوب.
پیغمبر (ص)،
اسلام صدرینده اوّلده قبرلری زیارت ائله‌ماقدان منع ائله‌دیقدان سونرا قبر
زیارتینه امر بویوردو. تاریخ و حدیث کتابلاریندا پیغمبرین (ص) آناسی و شهیدلرین
مزارینا گئتمه‌سی باره‌ده چوخلو روایتلر نقل اولوب. اوندان علاوه، نبوی روایتلرده
او حضرتدن قبری‌نین زیارتینه تأکید ائله‌ماق مفهومو واردیر. بئله‌لیکله پیغمبر
قبری‌نین زیارتی سنّتینی ایلک دفعه او حضرتین اؤزو طرفیندن تاپیشیریلیب. معصوم
اماملار دا (ع) شیعه‌لری بو ایشه تشویق ائدیبلر. عالملر بو دلیلدن علاوه، اجماع،
سیره، فطرت، عقل، اخلاق، فایدالانماق، اسلامین سهله و سمحه اولماسی دلیل‌لردن‌ده
استفاده ائدیبلر.
عالملر قبر
زیارتی‌نین مشروعیّتی اوچون بوتون اسلامی مذهبلرین اتفاقی و اجماعسینا استناد ائله‌ییبلر.
البته امامیه اصولی عالملرین اعتقادینا گؤره، اجماع معصومون رأی‌یندن کاشف اولدوغو
زمان معتبر ساییلیر، یوخسا اؤز-اؤزلوغوندا شرعی اعتباری یوخدور.