حضرت نوح (ع)، الله-ین
بیرینجی اولو العزم پیغمبریدیر. اونون رسالت مدّتی قرآنین تصریحینه گؤره دوققوز
یوز اللی ایل ایدی و بو مدّتده آز عدّه‌دن سونرا -کی دئییلنلره اساساً 40 نفر کیشی
و قیرخ نفر خانیم ایدی،- هئچ کس اونا ایمان گتیرمه‌دی و هامیسی کفر و الحاد یولونا
گئدیب اونو چوخلو اذیّت ائله‌دیلر. حتّی حیات یولداشی و اوغلانلاریندان بیری اونا
ایمان گتیرمه‌دیلر، اورا قدر کی حضرت نوح (ع) اؤز ملّتینی نفرین ائله‌دی و الله-ـا
بئله دئدی: «و قال نوح رب لا تذر علی الارض
من الکافرین دیارا » ای الله کافرلردن بیر نفری‌ده یئر اوزونده باقی قویما. (نوح
سوره‌سی) الله دا، اونون امری اینن گمی دوزلتماغی و کافرلر حقّینده شفاعت ائله‌مه‌ماغی
اونا وحی ائله‌دی. «واضع الفلک باعینا و وحینا و لاتخاطبنی فی الذین ظلموا انهم مغرقون»
گمی دوزلمه‌سی قورتولانا
قدر کافرلر او حضرتی گمی دوزلتماقدا گؤرنده مسخره ائلیردیلر. بو گمی اوچ مرتبه‌دن
عبارت ایدی: بیر مرتبه‌سی دؤرد آیاقلی‌لاردان اؤترو، بیر مرتبه‌سی قوشلاردان اؤترو
و بیر مرتبه‌سی انسانلاردان اؤترو.
طوفانین باشلانما علامتی
نوح پیغمبرین ائوی‌نین تندیریندن سو قایناماغیدی. «فلما جاء امرنا و فار التنور» امریمیز
چاتاندان سونرا تندیر قاینادی (قرآن کریم) نوح گمیده اوتورماغا، مؤمنلری‌ده
میندیریب حیوانلارین هره‌سیندن بیر جوت گمی‌یه میندیرماغا امر اولدو. «قلنا احمل فیها
من کل زوج اثنین» اونا هر زوجدان بیر جوت گمی‌یه میندیرماغی امر ائتدیک.
سو گؤیدن یاغیب یئردن
قاینادی و داغلاری بورویه‌نه قدر چوخالدی. نهایتده الله-ین امری اینن گؤی
یاغماقدن و یئر قاینماقدان دایاندی و نوح گمیسی آغری داغلاریندا یئر آلان جودی
داغیندا آراملاییب حضرت نوح (ع) مؤمنلرینن برابر گمیدن چیخیب اوتوراق ائله‌دیلر.
طوفان زمانی یئر-گؤیو سو توتان زمان نوح اوغلونو سو ایچینده گؤرنده اوندان ایسته‌دی
گمی‌یه مینسین. اوغلو جواب وئردی: داغا گئدَرم و سودان آماندا قالارام. نوح دئدی:
الله-دان سونرا ساخلایان یوخدور. بو آندا بیر دالغا گلیب اوغلونو غرق ائله‌دی. نوح
الله-ـا عرض ائله‌دی: ای الله بو بالا منیم اهلیمدندی و سنین وعده‌ن حقدیر. (الله
کافرلری غرق ائدیب نوح اهلینی نجات وئرماغا وعده وئرمیشدی.) الله بویوردو: «انه لیس
من اهلک» او سنین اهلیندند دئییل سنی موعظه ائلیرم کی نادانلاردان اولمایاسان. نوح
الله‌دان عفو ایسته‌دی.ستانا
چئوریلیر.