نهج‌البلاغه‌دن حیکمتلی سؤزلر؛ سنجیده سؤز سیلاحلی حمله‌دن گوجلودور.
ائی جماعت، آند اولسون آللاها
من سیزی دوز عمله دعوت ائله‌مه‌رم مگر بو کی اونا عمل ائله‌ماقدا اؤزوم سیزدن قاباغا دوشم و سیزی گوناهدان ساخلامارام مگر بوکی اؤزوم‌ده نهی ائدندن سونرا اونو ترک ائدم.
175-جی خوطبه
• جماعتینن ائله رفتار ائدین کی سیز دونیادان گئتسز سیزه آغلاسینلار و دیری قالساز سیزه طرف ماییل اولسونلار.
• جماعتین لاپ عاجیزی اودور کی اؤزونه دوست تاپا بیلمیه و اوندان دا عاجیز اودر کی قازاندیغی دوستو الدن وئره.
• زمانه‌نین چتینلیقلارینا دؤز، یوخسا سئوینمیه‌جاقسان.
• هر کسین مالیندا ایکی شریک وار؛ ورثه و حادیثه‌لر.
• سؤزو دیلینه گتیرمه‌میش او سنین ایختیاریندادیر . . .دیلینه گتیرندن سونرا، سن اونون ایختیارینداسان؛ پس دیلینی قیزیل گوموشلرینی ساخلادیغین کیمی ساخلا، نیه کی ائله سؤز وار نعمتی قوغار و ائله سؤز وار بلانی جذب ائلر.
•آبریسینی ساخلاماغا ماییل اولان، داعوادان اوزاق اولسون.
• جماعتین لاپ آخماقی اودر کی اؤزونو هامیدان عاغیللی بیله.
• یاخجی اینسانلارینان پیسلیق ائله‌مه کی اونلاری یاخجیلیقدان ساخلار.
•دونیادا لاپ چوخ مونیس اولدوغون زاددان قورخ.
• اوچ زاددا اوتانماغین معناسی یوخدو: قوناغا خیدمت، موعلیمین حضوروندا آیاغا قالخماق و اؤز حقینی آلماق.
•اینسانین ال‌آچیقلیغی، موخالیفلر ایچینده‌ده اونو محبوب ائلر، و چیلیسلیغی اونو اوشاقلاری‌نین یانیندا دا منفور ائلر.
• بیلمه‌دیگیندن دانیشما، بلکه بیلدیگی‌نین هامیسینی‌دا دئمه.
•آرخاسیندا آتش اولان خیر، خیر ساییلماز و آرخاسیندا جنّت اولان شرّ ده، شرّ ساییلماز و جنّتسیز هر نعمت، آزدیر و جهنّمسیز بلا، عافیتدیر.
• سنجیده سؤز سیلاحلی حمله‌دن گوجلودور.