شیعه مرجع تقلیدلریندن بیری تأکید ائله‌دی: ایسلامدا حج, لاپ حیاتی عیبادت‌دیر و یوخاری یئری وار.
آیت الله العظمی سید موسی شبیری زنجانی حج و زیارت سازمانی‌نین رئیسی‌نن گؤروشده بو سازمانین مسئوللاریندان حج مراسیمی‌نین شکوهلی اولماسینا گؤره تشکّور ائله‌دی و دئدی: حج, اصلی عیبادتلردن و ایسلامین حیاتی عیبادی عمللریندن ساییلیر کی چوخلی ثمره‌لری اولا بیلر.
او حجین یوخاری اهمیتینه ایشاره ائله‌ماغینان ایدامه وئردی: سیزین طرفدن زاییرلره هر جور خیدمتین اجری وار و چکدیگیز زحمتلرین میزانیندا آللاه تعالا سیزه اجر وئره‌جک.
قوم علمیه حوزه‌سی‌نین بؤیوک اوستادی بونو دئماغینان کی زاییرلره خیدمت, خیدمتلرین لاپ یاخجی‌سیدیر, آرتیردی: بو عظیم ایش و شکوهلی کونگیره‌نین قورماسی‌نین زحمتینه گؤره اجری وار.