دوققوزونجو گئجه موتبرّيك گئجه‌لردن
و قاضي‌الحاجاتلا موناجات گئجه‌سيدير.
بو گئجه توبه قبول اولار و دوعا
موستحبدير. بو گئجه‌نين عيبادتي يوز يئتميش ايل عيبادتي‌دک اجري وار. عرفه گئجه‌سينه
نئچه عمل گليب:
1. بو عيبارتله باشلانانان دوعا اوخونا : اَللّهُمَّ یا شاهِدَ کُلِّ
نَجْوى وَ مَوْضِعَ کُلِّ شَکْوى وَ عالِمَ کُلِّ خَفِیَّةٍ وَ مُنْتَهى کُلِّ حاجَةٍ
یا مُبْتَدِئاً كي ريوايت اولوب هر كس اونو عرفه گئجه‌سي و جومعه گئجه‌لري اوخويا،
آللاه اونو باغيشلار.
2. [كفعمي‌دن نقل اولوب] عرفه گونو گلن عشر تسبيحاتي، مين دفعه اوخونا.
3. «اللّهُمَّ مَنْ تَعَبَّاَ وَ تَهَیَّاَ» دوعاسي‌نين اوخونماسي كي
عرفه گونو و جومعه گئجه گوندوزلرينه‌ده گليب.
عرفه گونونون دوعالاري
دوققوزونجو گون عرفه گونو و
عظيمه بايراملارداندير هر چند كي بايرام آدينا آدلانماييب. عرفه بير گوندور كي حق تعالا
اؤز بنده‌لريني طاعت و عيبادته چاغيريب و احسان و جود سوفره‌لريني اونلارا آچيب و شئيطان
بو گون داها ذليل، داها قوولموش، داها حقير و داها حيرصلي اولار و ريوايت اولوب
كي ايمام زين‌العابدين بو گون بير سایيلين سسين ائشيدير كي جماعتدن كؤمك ايستير. ايمام
اونا بويوردو: واي اولسون سنه بو گونده آللاهدان سووايلاردان کؤمک ايستيرسن؟ حال بوكي
بو گونده ننه قارنيندا اولان اوشاقلارين‌دا آللاهين فضليندن بي‌نصيب اولماماسينا اومید
وار.
بو گون اوچون عمللر ذيكر اولوب:
1. زوالدان قاباق غوسل ائله‌مک.
2. ايمام حسين(ع) زيارتي.
كي مين حج و عمره و مين جهادان
يوخاريدير و او حضريتين زيارتيني بو گون اوخوماغا فضيلتين چوخ اولماسينا موتَواتير
حديث وار و اگر بير نفر توفيق تاپا بو گون او حضرتين موقدّسه قوبّه‌سي‌نين آلتيندا
اولا، ثوابي عرفاتدا اولاندان آز اولماياجاق.
3. عصر نامازين قيلاندان سونرا عرفه دوعالارينا مشغول اولماميشدان آسمان
آلتيندا ايكي ركعت ناماز قيلا و اؤز گوناهلارينا اعتيراف و ايقرار ائليه تا عرفاتين
ثوابينا رستيگار اولا و گوناهلاري باغيشلانا. زوال واختي اولاندا آسمان آلتينا گئده
و ظهر و عصر نامازيني ياخشي ركوع و سجده‌ايله يئرينه گتيره و قورتولاندان سونرا ايكي
ركعت ناماز قيلا. بيرينجي ركعتده حمددن سونرا، توحيد و ايكينجي ركعتده حمددن سونرا،
قُل یا اَیُّهَا الْکافِروُنَ اوخونا. سونرا دؤرد ركعت ناماز قيلا و هر ركعتده حمددن
سونرا توحيدي اللي دفعه اوخويا. كي بو ناماز همن حضرت اميرالمؤمنينين (ع) نامازيدير.
4. شئیخ کفعمى مصباحدا بويورور ضعفي اولمايان كسه و دوعا اوخوماسينا
مانع اولمايانا عرفه گونونون اوروجو موستحبدير.
5. زوالدان قاباق غوسل ائله‌مک و عرفه گونوزو و گئجه‌سينده ايمام حسين(ع)-ين
زيارتي.
6. حضرت رسول (ص)-ين عرفه گونو تسبيحلري كي آشاغيدا گلير:
سُبْحانَ الَّذى فِى الْقُبوُرِ
قَضآؤُهُ سُبْحانَ الَّذى فِى الْبَحْرِ سَبیلُهُ
پاكدي او آللاه كي قبيرلرده
امري جاريدير. پاكدي او آللاه كي دريادا يولو وار.
سُبْحانَ الَّذى فِى النّارِ
سُلْطانُهُ سُبْحانَ الَّذى فِى الْجَنَّةِ رَحْمَتُهُ
پاكدي او آللاه كي دوزخ اوتوندا
سلطنتي موجوددور. پاكدي او آللاه كي رحمتي بهشتده‌دير.
سُبْحانَ الَّذى فِى الْقِیمَةِ
عَدْلُهُ سُبْحانَ الَّذى رَفَعَ السَّمآءَ سُبْحانَ الَّذى بَسَطَ الاْرْضَ سُبْحانَ
الَّذى لا مَلْجَاَ وَلا مَنْجا مِنْهُ اِلاّ اِلَیْهِ
پاكدي او آللاه كي قيامتده عدل
و دادي قورولوبدي. پاكدي او آللاه كي آسماني يوخاري آپاردي. پاكدي او آللاه كي يئري
سردي. پاكدي او آللاه كي اوندان بير پناه يوخدور مگر اؤزو **
سونرا يوز دفعه دئنه
سُبْحانَ اللّهِ وَالْحَمْدُ
لِلّهِ وَلا اِلهَ اِلا اللّهُ وَاللّهُ اَکْبَرُ
پاكدي آللاه و حمد اونون اوچوندور
و اوندان سوواي معبود يوخدور و آللاه داها بؤيوكدو.