موسلمانلارین ایسلاما
گیراییشلری, مودئرنیته‌نین تأثیری آلتیندا قالمادی و بیر حالدا کی غرب اؤلکه‌لری‌نین
چوخوندا کلیسالار باغلانیر, همن اؤلکه‌لرده چوخلی موسلمان ناماز جومعه‌ده حاضیر
اولورلار و دیقّته لاییق معنویّتی نوماییشه قویورلار و بو مسأله غرب تمدّونی
قاباغیندا بؤیوک چالیش یارادیب.
غربلی‌لرین ایسلاما منفی باخیشلاری‌نین
تاریخی, اونلارین ایسلامینان جیدّی صورتده اوزلشماقلاری گونلره قاییدیر. بو
اوزلشماق ایکینجی عصرده و او گونون ایسپانیاسیندا باش وئردی و اونلارین ذهنینده
ناقیص و ایشتیباه بیر تصویر یاراتدی.
نظره گلیر کی یهودیلر و
مسیحیلرین, دوز معلوماتلاری اولمایان و چوخ گوجلی آیری بیر دینله اوزلشماقلاری, ایسلام
ظهوری‌نین ایجتیماعی و سیاسی ویجهه‌سی‌نین جیدّی اولماسیندا موهوم رول اوینور؛ کی
البته قورآنین بویوردوغونا گؤره بو مسأله‌ده یهودیلر داها آرتیق خصومت و دوشمن‌چیلیق
نیشان وئردیلر.
طبعاً تانیشلیغین اولماماسی
و اوندان علاوه اؤزونو یوخاریدا و اوستون گؤرماق بئله بیر دوشونجه یاراتدی کی
مسیحیّتدن یوخاری معنویّت و دوشونجه اولا بیلمز. ائله بونا گؤره اونلار بئله
دوشونورلر کی ایسلام غیر موستقیل بیر دین و فقط مسیحیتین نامربوط و بدل نوسخه‌سیدیر.
ایسلامدان قورخو کی اونون
جذابیّتی و منطیقی قارشیسیندا, بیر جور خباثته آلوده اولموشدو باعیث اولدو
پیغمبرین (ص) زوجه‌لری‌نین چوخلوغو کیمی بعضی خصوصیّتلرینی بهانه ائدیب و بو زاویه‌دن
اهانتله قاریشیق اینتیقادا ال وورالار.
کارن آرمسترانگین muhammad a
biography of the prophet آدیندا بیر
کیتابی وار کی مسیحیّتین ایسلاملا ایلک اوزلشمه‌سی و او زمان پیغبره(ص) ائتدیکلری
توهینلر باره‌ده بیر گوزاریشدیر.
صلیبی جنگلرده -کی نهایتده
موسلمانلار غالب اولدولار-, ایسلام و مسیحیّتین سیاسی اوزلشمه‌لرینده, کلیسا
اربابی موسلمانلارا نیفرتین چوخالماسی یولوندا چالیشمالاری, اوروپانین عثمانلی
ایمپراتورلوغو طرفیندن اوزون مودّت تهدیدی ائله کی بیر مقطعده ایمکانی واریدی
اوروپانین بوتونلویو عثمانلی طرفیندن فتح اولا, اوروپالیلار ایچینده موسلمانلارا
نیسبت بیر جور قورخو یاراتدی.
ایسلامین ظهوری کلیسانین
اوروپایا حاکیم اولدوغو اورتا عصرلرده باش وئردی. طبیعتاً هر دین کی بو مسیحیتین
قارشیسیندا عرض اندام ائتسه‌ایدی بیر رقیب کیمی تانیناردی کی گرک منطیق و
ایستیدلال یولینان و بونلار جواب وئرمه‌سه توهین و گوجله, او دین میداندان قوغولسون.
آما کلیسا کی منطیق و عقل یولی ایله ایسلام قارشیسیندا دایانا بیلمه‌دی, قاباغا
گئتدیکجن بو موقابیله‌یه سیاسی رنگ وئردی و اونو اوروپالیلارین ذهنینده بیر تاریخی
ذهنیّته چئویردی.
البته بو ذهنیّت یایقین و
هامی اوچون دئییل. علم و موطالیعه اهلی اولانلار, واقعیّتلردن خبرلری وار. غرب
دونیاسیندا یاشایان موسلمانلارین چوخی اصالتاً غربلی‌دیلر و بو موسلمانلارین تکجه
بیر بؤلومونو موهاجیرلر تشکیل وئریر.
اولا بیلر 50 ایله‌جن
اوروپالیلارین بؤیوک قیسمینی موسلمانلار تشکیل وئرسینلر. غربلیلر ایندیدن فیکره
دوشوبلر کی موسلمانلارین حساسیّتینی آزالتسینلار و پیغمبرین(ص) شخصیتینه توهین
ائله‌ماغینان اونو سیندیرسینلار کی بلکه بو گئدیشین قارشیسی آلینسین.