علمین سولطه‌سی و اوندان اله گلن نتیجه‌لر گؤرستدی کی علمه ایفراطی تأکید ائله‌ماغینان اینسانین سعادتینه یئتیشماق اولماز.

کئچمیش زمانلارا مخصوصاً اؤز عصرمیزه باخیش سالساق گؤره‌روق کی دین اینسانین معریفت منبعی کیمی قیراغا قویولوب.

قاباقلار دیندن ایستیخراج اولان اصوللارین چوخو آیری منبعلردن آلیندی و عقل‌اینن مونافاتی اولان اصول قیراغا قویولدو. چوخلی دینه باغلی اولان ایناملار او جومله‌دن دونیانین  یارانما باره‌ده اولان ایناملار علم‌اینن سوآل آلتینا گئتدی. اعتبارلی اولان تکجه علمی یوللاری ایدی.

ائله بو اساسدایدی کی تکامول خیلقت و یارانمانین یئرین توتدو و اونو اعتیبارسیز ائله‌دی و علمی شواهید وارلیغین یارانماسی‌نین منبعی باره‌ده دینی باخیشلاری ایشتیباه حسابلادی.

آما علمه ایفراطی صورتده تأکید ائله‌ماغین نتیجه‌لری‌ده بللی اولدو. بو دوران ائلیه بیلمه‌دی دینی اینام و اعتیقادلاری آرادان آپارسین.

علمین سولطه‌سی و اوندان اله گلن نتیجه‌لر گؤرستدی کی علمه ایفراطی تأکید ائله‌ماغینان اینسانین سعادتینه یئتیشماق اولماز. دوز یول بودور کی هر ایکی موضوعیا دیقّت اولسون و اونلاردان ایستیفاده ائدیلسین.