غربلیلرین
ایسلاملا موباریزه‌سی بونا خاطیردیر کی همیشه نیگراندیلار مسیحی و یهودیلر ایسلاما
اوز گتیرسینلر و ایسلام ضیدینه اولان بو حرکتلر, دونیا اهلی‌نین موسلمان اولماسی‌نین
قاباغین آلماغا گؤره‌دیر.
غرب
دونیاسی‌نین ایسلاملا موباریزه‌سی فیکری نظردن قرنلر قاباغا قاییدیر و ریشه‌سی
یهودیتله مسیحیتین ایسلاملا ضیدّیتینه یئتیشیر. حقیقتده بو ضیدیت بو
نیگرانچیلیقدان چیخیر کی اولمایا یهودیلر و مسیحیلر موسلمان اولسونلار.
توهین
آمیز فیلیمده بو مسأله اصلی هدف توتولوب. بونلارین ایشلتدیقلاری یول ایسلامین
تاریخ و مفهوملارینی تحریف ائله‌ماقدیر و بو یولدا, تاریخ بویو چالیشیبلار کی
ایسلامی خشین و شمشیرله یاییلمیش دین تانیتدیرسینلار و بئله ایلقا ائده‌لر کی
ایسلامی تعلیمات موسلمانلاری غیری اینسانی حرکتلره وادار ائدیر و ائله بو فیلیمده
ایستیر ایلقا ائله‌سین کی موسلمانچیلیق خشونت و غیری اینسانی رفتار صاحیبی اولماق
دئمکدیر.
هرچند
کی غربین موستشریقلر و ایسلام شیناسلاری چالیشیبلار کی بیر سئری ایسلامی مفهوملاری
تحریف ائله‌سینلر و غیری موناسیب صورتده ایرائه وئرسینلر و میثال اوچون ایسلامدا
اولان جهاد مفهومونو منفی تفسیر ائله‌سینلر. آما هر زمان کی موسلمان عالیملرین
یازیلاری اونلارین یازیلاری‌نین کناریندا قویولدو ایدعالاری‌نین فایداسیز و بوش
اولدوغو بللی اولدو.
اونلار
همیشه چالیشیبلار پیغمبر اکرمین (ص) شخصیتینه حمله ائله‌سینلر و
موبارک وجودی رحمةللعالمين اولان او حضرته اهانت ائدیب تاریخ و
سیره‌سینی تحریف ائله‌سینلر. بو فیلمده‌ده بو ایش لاپ کیفیر صورتده و اینسانی و
ایسلامی معیارلاردان کنار, مطرح اولوب. ائله کی بو فیلمده پیغمبره (ص) نیسبت
وئریلمیش عمللر هئچ کرامتلی اینسانا یاراشان دئییل.
غرب
چالیشیر ایسلام مفهوملاری و تاریخینی منفی گؤرستماغینان اؤز خیالینا خالیص
ایسلامین دوشونجه‌سی‌نین یاییلماسی‌نین قاباغین آلسین. بو چالیشمالار ایندی چوخ
آیدین آشکار گؤرونور و اگر بوندان قاباق شیطانی آیه‌لر کیتابی لفّافه‌سینده
پیغمبره بو نیسبت وئریلیردی کی نعوذ بالله وحی آلاندا شیطانین‌دا تلقینلرین
آلیردی, ایندی ایش او یئره یئتیشیب کی آشکار صورنده او حضرته لاپ کیفیر نیسبتلر نیسبت وئریلیر.