شهید اوّل «الذکری» کیتابین موقدمه‌سینده یازیر: ایمام صادیق (ع) اؤزلری شخصاً 400کیتاب یازیبلار.
موتأسیفانه ایمام صادقین کیتابلاری آرادان گئدیب و موختلیف دؤره‌لرده ضید شیعه جریانلاری طرفیندن محو ائدیلیب. تأسوف یئری وار کی رحمتلیق صدیق "من لایحضر الفقیه"کیتابیندا دئییر کی منده ایماملارین ال یازیسی وار, آما ایندی اهمال و دیقّتسیزلیق اثرینده آرادان گئدیب و بیزه چاتماییب. بیز بوردا نئچه کیتاب کی ایندی وار و ایمام صادقه (ع) منسوب اولور تانیتدیراجاغیق.
ایمام صادیقه (ع) منسوب اولان کیتابلارا کیچیک ایشاره.
آللاهین رسولوندان صلی الله علیه و آله سونرا معصوملارین بقیه‌سی کیتاب یازاردیلار و اؤزلریندن علاوه صحابه‌لرینی‌ده یازماغا تشویق ائدردیلر. ایماملارین ایچینده شاید ایمام صادق (ع) اونلارین هامیسیندان چوخ کیتاب یازیب, نئجه کی آیریلاریندان چوخ حدیث بویوروب.
- " تفسیر جعفر الصادق" : " ابوعبد الرحمن سلمی اثرلری مجموعه‌سی‌نین" باشلانیشیندا صفحه 21-دن 63- ـه جن عیرفانی سبکله بیر تفسیر بیان اولوب کی ایمام صادقه (ع) منسوب اولور. بو تفسیری کشیش «پولس نویا» تحقیق و چاپ ائدیب. بو تفسیر چوخ موختصردیر و فقط توحید سوره‌سینه‌جن شامیل اولور.
- "تفسیر القرآن کریم عند جعفر الصادق": بو تفسیر ده ایمام جعفر صادقه (ع) نیسبت وئریلیر و "کتابا الصادق: حقائق التفسیر القرآنی و مسباح الشریعه" کیتابیندا دؤکتور علی زیعورون ایشرافی‌اینن بیروتون عزالدین مؤسیسه‌سینده چاپ اولوب. بو تفسیر 92 صفحه‌دیر و فاتحه سوره‌سیندن دهر سوره‌سینه‌جن بیر سئری آیه‌لری سئچیب ایشاری و عیرفانی تفسیر ائدیب.
- و 4. ایمام صادقه (ع) منسوب اولان " کامل التفسیر الصوفی العرفانی للقرآن" کی بیروتدا دؤکتور علی زیعورون تحقیق ایله دارالبراقدا چاپ اولوب. بو کیتابین 272 صفحه‌سی وار و حقیقتده ایکی تفسیره شامیلدیر. بیری قورآنین اوّلیندن دهر سوره‌سی‌نین آخیرینه‌جن و بیری قورآنین اوّلیندن ایخلاص سوره‌سی‌نین آخیرینه‌جن.
- "التفسیر المنتسب الی مولانا ابی عبدالله جعفربن محمد الصادق علیهما السلام". بو تفسیر ایستانبولون نافیذ پاشا کیتابخاناسیندا ساخلانیلیر. بو تفسیر 317 صفحه‌دیر و او بیری تفسیرلرین عکسینه قورآنین بوتونلوگونه شامیل اولور.
- " تفسیر الامام الصادق علیه السلام" هندی پتنای دانیشگاهی‌نین مرکزی کیتابخاناسیندادیر کی سید نذر علی رضوی هندی اونو تحقیق ائدیب و ایکی جیلدده اؤز دؤکتورا ریساله‌سی کیمی اوندان دیفاع ائدیب.
- علی بن ابراهیم قمی هیجری قمری ایلین اوچونجو عصرینده شیعه موحدیثلریندن, "تفسیر القمی" آدیندا بیر قورآن تفسیری یازیب. بو تفسیرین چوخ یئرینده «قال» دئییر. و بیر عیدّه موحقیقلرین نظرینجه علی ابن ابراهیمین «قال» دن منظورو «قال الصادق (ع)» دیر. ائله بونا گؤره بو تفسیره " تفسیر الامام" دا دئییرلر.
- ابن عتایقی تفسیر قمی‌دن بیر خولاصه حاضیرلاییب کی بیر عیدّه اونو" تفسیر الامام" تانی‌ییرلار. تفسیر قمی مطلبلری‌نین چوخو بلکه هامیسی‌نین ایمام صادقدن نقل اولماسینا گؤره و بو کیتابین اوندان خولاصه اولماسینا گؤره, بو کیتابی دا ایمام صادقه نیسبت وئره بیله‌ریک.
- تفسیر قمی‌دن آیری خولاصه "تفسیر الامام" آدیندا وار کی عنوانی ایمام صادقین (ع) تفسیریدیر.
- "کتاب مصباح الشریعه" اخلاقی و عیرفانی کیتاب کی علامه مجلسی و ایمام خمینی رضوان الله علیهما کیمی شخصیتلر اونو قطعی صورتده ایمام صادقدن(ع) بیلیبلر و اعتیماد ائدیب اوندان حدیث نقل ائدیبلر.
آیری کیتابلار وار کی اونلار دا ایمام صادقه (ع) نیسبت وئریلیرلر مثلاً "توحید مفضل"،"رساله اهلیلجیه"، " نجاشی‌یه ریساله " ،" بعضی صحابه‌یه ریساله" و...