بحارالانوار کؤهنه‌لمه‌ین بیر کتابدیر کی اونا هر دفعه مراجعه ائله‌ینده روایتلرین و حدیثلرین واسطه‌سی اینن اورکلرین پاسی آلینیر.
بحارالانوار، گئجه گوندوز استنتاج و مقابله‌نین و چالیشمالارین نتیجه‌سی و مختلف نسخه‌لر و منبعلرین بررسلیغی و اونلارین مالکلری‌نین پاخیللیغینا رغماً حدیثلرین ییغیلماسیندا و تکمیلینده اولان چالیشمالارین محصولودور.
علامه مجلسی بحارالانوارین مقدمه‌سینده بئله یازیر: «زلال العلم لا ینفع الا اذا أخذ من عین صافیه نبعث عن یناییع الوحی و الاهام و أن الحکمة لا تنجع إذا لم تؤخذ من نوامیس الدین و معافل الانام» علم زلالی خالص بولاغیندان آلینمادیغی زمان فایداسیزدیر. بیز بو علمی وحی بولاغیندان استفاده ائله‌مه‌لی‌یوق.
بحارالانوار کؤهنه‌لمه‌ین بیر کتابدیر کی اونا هر دفعه مراجعه ائله‌ینده روایتلرین و حدیثلرین واسطه‌سی اینن اورکلرین پاسی آلینیر و روایتلرین پارلایان ایشغی نتیجه‌سینده اورکلرین قارانلیغی گئدیر.
بعضیلری بحارالانواری بحارالظلمات آدلاندیریر. بونون غلتی بودور کی بو انسانلار لازم اولان ابزارلارا او جمله‌دن رجال و درایه علمینه مجهز دئییل‌لر. بحارالانوار بیر دریا کیمیدیر کی اوزماق بیلمه‌ین اوندا غرق اولوب بوغولا بیلر. چونکی او اَیری اینن دوزو سئچه بیلمیر و خالص اینن نا خالصی تشخیص وئره بیلمیر. چوخلو بؤیوک عالملرین بحارلانوارا مراجعه ائتمه‌سی و اوندان بیر مرجع کیمی استفاده ائله‌مه‌سی اونون نه قدر اهمیتلی کتاب اولدوغونو گؤرسدیر.