آمريكالي موسلمان اوستاد دئدي:ايسلام
مذهبلري‌نين آراسيندا ديني وحدت وار آما مسيحيّت دينينده مذهبلر بير بيرلرين تكفير
ائليرلر.
شرقي آذربايجانين كول تبليغات ايداره‌سي‌نين
عومومي رابيطه‌لري‌نين گوزاريشينه گؤره، پورفوسور محمد لنگهاوزن اوستانين ايسلامي
تبليغات كول ايداره‌سينده موبلّيغه خانيملار و تبريزين خانيم سيره‌لر مسئول‌لاري
جمعينده، مسيحيت ديني‌نين اصل‌لريني تشريح و اونو موقدّس ايسلام ديني‌اينن تطبيق
ائله‌مگينن دئدي: مسيحي مذهبلري‌نين آراسيندا ديني آيريليق كاميلاً گؤروشور و بو
دينين اوچ مذهي‌نين اينانانلاري اصل‌لرده تَوافوقا يئتيشنميرلر. او آرتيردي:
مسيحيت مذهبرلري‌نين ايختيلافلاري او قدردير كي بير بيرلريني تكفير ائديرلر و
آرالاريندا قانلي ايختيلافلاردا توشوب. پورفوسور لنگهاوزن بو ييغينجاغين ايدامه‌سينده
دئدي: مسيحيلرين الينده اولان موقدس كيتاب يا انجيل بير سئري ريوايتلريديلر كي سند
باخيميندان ايشكال‌ليديلار آما ايسلامدا بير ريوايتين سندي تأييد اولمايينجا
ايستيفاده اولونماز.
او مسيحيّتده اولان تثليثه ايشاره ائديب
دئدي: عهد جديدي و عيسي(ع)-ين سؤزلريني اوخوماقلا آيدين اولان بودور كي تثليث نفي
اولور. آما ريوايتلرين سندينه توجّه ائله‌مه‌مك باعيث اولدو تا بو مسأله 500 ايل
قاباق مسيحيّته داخيل اولسون. ائله كي ايندي مسيحي كلامچيلاري اؤزلري بو مسأله‌ده
شوبهه‌يه توشسونلر و اونون رد يا ايثباتينا دليل آختاريرلار.
بو آمريكالي موسلمان اوستاد دئدي: آيري
دينلره علاقه‌لي اولانلارينان لاب ياخشي برخورد، علمي بحثلره واريد اولماقدير. او،
جوانلارا و آيري دينلره علاقه تاپانلارا دليل بيان ائله‌مك و منطيقي جواب وئرمگي
فيكري اينحيرافلارين قاباغين آلماغا لاب ياخجي يول بيليب، آرتيردي: او كسلرينن كي
منطيقسيز و عقلسيز و تكجه حيجابدان قاچماق اوچون دينلريني دگيشيرلر، گرك محبتلي و
مهريبان ترپشمگينن دوز يولا هيدايت ائله‌مك.
بو جلسه‌ده حاضير اولان خانيملار اؤز
سوآل‌لارين سوروشدولار و اونلارين نئجه موسلمان اولماقلاري‌اينن تانيش اولدولار.
بو جلسه‌ده اوستانين ايسلامي تبليغاتين
مودير كولّي‌ده واريديلر.