وهابیتین نظرینه گؤره قبرلرین اوستوندهبارگاه دوزلتماق بدعت ساییلیر. پس نییه بو ایشی بیرینجی دفعه گؤرن عامه‌نین مهم رهبری عمربن خطاب ایدی؟
حجاز منطقه‌سینده ابن تیمیه‌نین اعتقادلاریندان الهام آلیب قبرلر اوستونده بارگاه دوزلتماغی توحید اینن مغایر گؤرن وهابیتین یارانماسی اینن عین زماندا، بو نوع بنالارین هامیسی وهابیلر طرفیندن تخریب اولدو. 1220-جی هجری قمری ایلینده وهابیلر مدینه‌نی محاصره‌یه سالدیلار. شهر تسلیم اولاندان سونرا وهابیلر نبوی حرمده هر نه واریدی توقیف و تصرف ائله‌دی و بقیع قبرستانی‌نین بوتون بقعه‌لری تخریب اولوندو.
نظره گلن وهابیلر مذهبی گروه کیمی بیرینجی دسته‌دیلر کی مرقدلری و بارگاهلاری تخریب ائله‌ییبلر. قاباقلار بیر عده بقیع قبرستانیندا خلیفه‌لرین علهینه کتابلار اولماسی بهانه‌سی اینن اورانی خرابلاماق ایسته‌میشدیلر آما موفق اولمامیشدیلار. وهابیلر طائف، جده، کربلا و آیری یئرلرین قبرلرینی داغیتماقدان علاوه، بارگاهلاری داغیتماقدا اؤز مهم هدفلرینی مکه و بقیع و مدینه‌ده متمرکز ائله‌میشدیلر.
دؤرد امامین (ع) بارگاهی و خانم فاطمه‌نین (س) بیت الاحزانا معروف اولان گونبدی وهابیلرین همان اول حمله‌سینده داغیلدی و یا جدی صدمه گؤردو. (عجائب الآثار، ج۳، ص۹۱ )
عبدالرحمن جبرتی‌نین یازدیغینا گؤره، وهابیلر ایل یاریم مدینه‌نین محاصره‌سیندن سونرا شهره داخل اولوب نبوی مرقدن ساوایی بوتون مرقدلری داغیتدیلار.
عثمانلی قوشونو مدینه‌نی وهابیلرین الیندن آزاد ائله‌ماغا گلدی و 1227 هجری قمری ایلین ذیحجه‌سینده مدینه‌نی آزاد ائله‌دی. بارگاهلاری بیر تعدادی ایکینجی سلطان محمودون امری اینن یئنیدن دوزلدی. قاجار عباس میرزانین اوغلو حسام الدین، 1297 هجری قمری ایلینده حج سفرینده اماملار و بیت الاحزان بارگاهلارین وارلیغیندان و اونلاری زیارت ائله‌دیغیندان یازیر. (حسام السلطنه، دلیل الانام فی سبیل زیارة بیت الله الحرام، ص۱۵۲)
آما وهابیلر 1344 هجری قمری ایلی‌نین شوالین سککیزینده تازادان حمله‌سی بو قبرستانین بوتون آثاری‌نین تخریب اولماسی اینن نتیجه‌لنیر.
آما مدینه‌ده چاپ اولموش وفاء الوفاء کتابی بئله یازیر :
«... لم یکن علی عهد النبی ص علی بیت النبی ص حائط، وکان اوّل من بنی علیه جدارا عمر بن الخطّاب . . .»
نبوی عصرینده پیغمبرین قبری اوستونده بارگاه یوخیدی و پیغمبر قبری اوستونده بیرینجی بارگاه دوزلدن عمر بن خطاب ایدی. (وفاء الوفاء ج ۲ ص ۱۹ / چاپ مدینه منوره )