فرانسه‌لی فیلسوف و جامعه شناس دئدی: جامعه شناسی‌یه تازا مئتود داخل ائله‌مه‌لی‌یوق. بو تازا مئتودا گؤره نفرلری بیر بیرندن آیری نظرده آلماق یئرینه اونلار آراسیندا هم پوشانی‌نی نظرده آلاق.
مهرین وئردیغی خبره گؤره، بدیل جامعه شناسی امکانلاری اجلاسی بو ایلین فروردین آیی‌نین 28-ده تهران دانشگاهی‌نین اجتماعی علم‌لر دانشکده‌سینده برونو لاتورون حضورو اینن اجرا اولدو.
آزمایشگاهی یاشاییش کتابی اینن مشهور اولان برونو لاتور، اوّلده دورکیم اینن تانینان اجتماعی و دورکیم و گابریل تاردینان تانینان پیوند ایکی جور جامعه‌شناسلیغی بیر بیریندن آییراندان سونرا دئدی: بیرینجی جریانین اؤزو اینی خیردا و کلان نوعلارینا بؤلونور.
او آرتیردی: تارد غیر معمول بیر سؤال مطرح ائلیر: جامعه نه‌دیر؟ و ادامه‌ده بوتون انسانلار طرفیندن مختلف شکل‌لرده اعمال اولان ایکی طرفلی مالکیته اشاره ائلیر. اجتماعی نظریه‌ده بیر آنلاشیلمازلیق وار: اروپادا بیر نحله اجتماعی چدیده‌لری فرددن مطالعه ائله‌ماغا باشلاییر و او بیری جامعه‌دن. بیر حالدا کی مهم اولان بیلگیلری ییغماق اوچون ابزارین نه اولدوغودور. مثال اوچون سرمایه بازاری کیمی کلان پدیده‌لرین مطالعه‌سی Actor-Network Theory شبکه‌سی‌نین اکتیو اولدوغونا دقّت یئتیرماغینان، دیتالاری ییغماق ابزارلاریندا مهم ساییلیر.
او آرتیردی: سرمایه‌داری کیمی کلان پدیده‌لری توضیح وئرمک اوچون بیر بانکدا اولان دیتا ییغما ابزارلارینا متمرکز اولا بیلریک.
لاتور ادامه‌ده اجتماعی نظریه‌ده مقیاسین مهم نقشینه اشاره ائله‌ماغینان دئدی: مقیاسین جامعه شناسلارین نظریه‌سینده او قدر مهم رول اویناییر کی اونلار مطالعه ائله‌دیقلاری اساسیندا مثلاً خیردا و یا کلان مقیاسدا، یوللارینی بیر بیریندن آییریردیلار. آما سؤز بوردادیر کی بو مقیاسی بونلار اؤزلری دوزلدیبلر. بونا گؤره اکتیو شبکه‌ده (ANT) مقیاسی تماماً قیراغا قویوروق.
او آرتیردی: اجتماعی مسأله‌لرین مختلف سطحلرینده دوربین کیمی زوم ائله‌ماغینان بؤیوک سطح و کیچیک سطحه یئر به یئر اولماق امکانسیزدیر. بیزیم بو ساحه‌ده فرقلی ابزارلارا احتیاجیمیز وار. مقیاس بحثینده مقیاسلاری فرقلری یئرینه ایکی طرفلی رابطه‌یه دقت یئتیرماق لازمدیر. مثلاً سیاسی مسأله‌لرده بیر شخصین جهانی باخیشی اولدغونو مطرح ائله‌ینده بو شخصین منطقه‌ای باخیشی‌دا اولمالیدیر. حقیقتده جهانی اولماق مقیاس مالکیتی دئییل بلکه اتصالات و ارتباطات مالکیّتیدیر.