شهيد مرتضی مطهري ايجتهادين واجيباتيندان بيريني
فقيهين دونيا گؤروشون بيليب و اونون دركي‌نين ضرورتينه تأكيد ائله‌ماغينان بو
مسأله‌يه باش قوشوب.
ايجتهاد
شبكه‌سي‌نين گوزاريشينه گؤره، شهيد مطهري «ده گفتار» كيتابيندا فتوالاردا اثري اولان
فقيهين دونيا گؤروشو باره‌ده يازيب: فقيهين ايشي حؤكملرين ايستيخراج و
ايستينباطيدير آما اونون موضوعلارا ايحاطه‌سي اولماغي و ايصطيلاحاً دونيا گؤروشو
فتوالاريندا اثري وار. فقيه گرك فتوا وئرديگي موضوعلارا ايحاطه‌سي اولا. اگر بير
موجتهيدي فرض ائدك كي هميشه ائوين بوجاغيندا يا مدرسه‌ده اولوب و اون ياشاييشين
جريانلارينا واريد اولان بير موجتهيدينن موقاييسه ائدك، بونلارين هر ايكيسي شرعي
دليللر و احكاملار سندلرينه يولوخورلار آما هره‌سي بير جور و اؤزونه مخصوص شكلده
ايتينباط ائدر.
اونلار ايدامه‌ده يازيرلار: اگر بير نفر فقيهلرين فتوالارين بير-بيرينن
توتوشدورا و اونلارين شخصي احوال و نئجه دوشونمكلرينه ده فيكير وئره گؤره‌جك كي
نئجه بير فقيهين ذهني سوابيقي و دونيادان اولان ايطّيلاعاتي، اونون فتوالاريندا
اثري وار. ائله‌كي عربين فتواسي عرب ايي و عجميم فتواسي عجم ايي و كندلي‌نين
فتواسي كند ايي و شهرلي‌نين فتواسي شهر ايي وئرير.
شهيد موعلّيم بونو دئماغينان كي خاتم ديني زمان و مكانا مخصوص دئييل، يازير:
خاتم ديني بوتون زمانلارا و مكانلارا مربوطدور. ياشاييشين نظمينه و اينسانين
پيشرفتينه بير ديندير، پس نئجه اولار كي بير فقيه طبيعي جرياندان و نيظاملاردان
خبرسيز اولا، ياشاييشين تكامول و پيشرفتيني اينانمايا آما ائليه بيله بو حنيف
دينين عالي و موترقّي احكامين كي بو نيظاملارا و بو جريانلارين هيدايتينه
گليب،دوزگون شكيلده ايستينباط ائليه.
او ايدامه‌ده بو مسأله‌نين دركي‌نين ضرورتينه باش قوشوب دئيير: ائله بو عصرده
فيقهيمزده ائله موريدلر وار كي فقيهلريميز چوخ جزم‌اينن بير شئيين واجيبليگينه
فتوا وئريبلر، تكجه موضوعنون ضرورت و اهميّتينه گؤره يعني بوننان بئله كي آيه و
ريوايتده صريح و كافي صورتده نقلي دليل يوخدور و موعتبر ايجماع‌دا يوخدور، فقيهلر
ايستينباطين دؤردونجو اصليندن يعني موستقيل عقلي دليلين ايشله‌ديبلر. فقيهلر
موريدلره مسأله‌نين اهميّتينه گؤره و ايسلامين بو روحونا تانيش اولدوغونا گؤره كي
ايسلام هئچ موهوم مسأله‌ني بلاتكليف قويماز، جزم ائديرلر كي ايلاهي حؤكم بو موريدده
بئله اولماليدير، ويلايت حاكيم و اونون موتفريعاتي كيمي موريدده كي فتوا وئريبلر.
بو فيقه اوستادي آرتيرير: حال بو كي اگر بو مسأله‌نين اهميّتين بيلمه‌سه‌ايديلر
او فتوا دا اولماياجاغيدي. مسأله‌نين اهميّتين بيليب فتوا وئريبلر. بونا بنزر
موريدلر تاپماق اولار كي فتو.انين يوخلوغو مسأله‌نين اهميّتيني بيلمه‌مگه خاطيردير.