«250 ياشندا اينسان» كيتابي‌نين يازارلاريندان بيري دئدي: بو كيتاب
اينقيلابين موعظم رهبري‌نين ايماملارين سياسي سيره‌سي باره‌سينده اولان
صؤحبتلريدير. بو جهتدن كي اونلارين اعتيقادينا پئيغمبرين(ص) رحلتيندن سونرا غئيبت
صغري يه‌جن كي 250 ايل چكيب، ايماملارين ائله‌ديقلاري بير-بيرلريندن فرقلي و
موتناقيض اولماييب.
فارس خبرگوزاريسي‌نين گوزاريشينه گؤره، حضرت نوح (ع)-ين اوزون عؤمروندن سونرا
كي قورآن و ريوايتلرده گليب، بير اينسانين معمولي عؤمرو يعني 80 تا 100 قدردن چوخ
ياشلي اينسان تانيميريق آما تازاليقدا ««250 ياشندا اينسان» آدلي بير كيتاب
ياييليب. بو اينسانين و بو سؤزون داليسين توتاندا موعظم رهبري مقامين سؤزلرينده
اونلارين جاليب تعبيرلرينه يئتيشيريك كي ايماملارين ياشاييشي باره‌سينده بويوروبلار.
اونلارين سؤزلرينده اوخوروق:
بيز گرك ايماملارين ياشاييشيني درس و نومونه كيمي اؤرگه‌شك –نه تكجه دگرلي و
مؤحتشم بير خاطيره كيمي- و بو دا مومكون دئييل مگر بوكي او حضرتلرين سياسي
رويشلرينه ديقّت يئتيرك. بنده شخصاً ايملارين ياشاييشي‌نين بو جنبه‌سينه علاقه
تاپميشام و ياخجيدير بيله‌سيز كي منده بو فيكر ايلك دفعه 1350-جي ايلينده بير چتين
ايمتحان دؤره‌سينده ياراندي. گرچي قاباقجادان ايماملارا(ع) توحيد كلمه‌سي‌نين
اوجالماسي و ايلاهي حوكومتين يارانماسي يولوندا فداكارليق ائدن بؤيوك قهرمانلار
كيمي ديقّت يئتيريرديم. آما او زمان منه بيردن بيره آيدينلاشان نوكته بو ايدي كي
بو حضرتلرين ياشاييشي ظاهيرده فرقلي گؤروشسه‌ده-كي بعضيلري بو فرقلري تناقوض
بيليبلر- اوست-اوسته بير دواملي و اوزون حركتدير، كي هيجرتين اون ،اونبيرنجي
ايليندن باشلاييب 250ايل ايدامه تاپير و 260-جي ايلده –كي غئيبت صغري نين باشلاما
ايليدير- ايماملارين ياشاييشيندا با شا چاتير.
او حضرتلر واحيد بيرديلر، بير شخصيّتديلر. شكّ ائله‌مگه يئر يوخدور اونلارين
هدف و جهتلري بيردير. پس بيز ايمام حسن مجتبي(ع) و ايمام حسين(ع) و ايمام سجاد(ع)
ياشاييشلارين آيري-آيري تحليل ائله‌مك عوضينه – كي احياناً بو ايشتيباهين تله‌سينه
توشاق كي بو 3 ايمامين سيره‌سي ظاهيري ايختيلافلارا گؤره موتعاريض و موخاليفدير-
گرك بير اينشان فرض ائدك كي 250 ايل عؤمر ائديب و هيجرتين اون بيرينجي ايلينده بير
يولا قدم قويوب و هيجرتين 26-جي ايلينده بو يولو گئديب.
28/4/1365
«صهبا» فرهنگي مركزيندن ياييلان بو كيتابين اهميّتينه گؤره بو مجموعه‌نين
داليسي‌جن گئتديك و بو كيتابي تدوين ائدنلردن محمد شيخ‌لري كي بو موضوعدا ياخشي
ايطّيلاعاتي وار، تاپديق و بو كيتاب باره‌سينده، 250 ياشينداكي اينسان و موعظم
رهبري مقامي‌نين نظرلري باره‌سينده دانيشيغا اوتوردوق. بو موصاحيبه ايدامه‌ده
گلير:
فارس: «250 ياشندا اينسان» كيتابينا گؤره توضيح وئرين.
شيخ‌لر: بو كيتاب ايماملارين سياسي سيره‌سي باره‌سينده موعظم رهبري مقامي‌نين
سؤزلريدير. 250 ايل بو جهتدنديركي اونلارين عقيده‌سينه‌گؤره پئيغمبرين رحلتيندن
غئيبت صغري زمانينا جن كي دقيقاً 250 ايل اولور، ايماملارين رفتارلاري
بي-بيرلري‌اينن فرقلي و موتناقيض دئييل كي مثلاً بيري صولحائده و او بيري قيام
ائده، بلكه دئييرلر كي بونلارين هاميسي بير نفر ايديلر كي 250 ايل عؤ'ر ائديب و
جاميعه‌نين سياسي ايجتيماعي شراييطي‌اينن موتناسيب رفتار ائديبلر و اونلار
«كلُّهُم نورٌ واحدٌ» كيمي باخيرلار و بوتون رفتارلاريني بير گؤرورلر و بو كيتابين
محوريدير.
فارس: موعظم رهبري مقامي دقيقاً هاواخت يا هانسي دانيشيقلاريندا بو تعبيري
ايشله‌ديبلر؟
شيخ‌لر: بو فيكر 1350-جي ايلينده اونلارين ذهنينه گلير و ايسلامر تاريخيني بير
داها اوخورلار. اونلار 1350-جي ايلينده ايسلام تاريخيندن اوخودوقلاريني كنارا
قويور و بو تاريخي تازادان اوخور و اؤز دئديقلارينا اساساً بو تازادان اوخوماغينان
بو فيكر ذهنلرينده تأييد اولور و سونرا موختليف زمانلاردا بو سياسي سيره‌ني تبيين
ائديرلر. بيري 1350-دن 1353-جو ايللري آراسيندا كرامت مسجيدينده بو مسأله‌ني تبيين
ائديرلر كي موتأسيفانه بو دانيشيقلار ضبط اولماييب و تكجه خاطيره‌لرده قاليب كي
اونلار او ايللرده بو تاريخي سئيري دئييبلر.
اينقيلابدان سونرا كي اونلارين دانيشيقلاري ضبط اولوب موختليف وقتلرده بو باره‌ده
دانيشيبلار و بو موضوعداكي صؤحبتلرين چوخو ايمام رضا(ع) بين‌المللكونگيره‌سينده
اولوب، جومعه‌نامازلاريندا دا موختليف شهادت و ويلادت موناسيبتلرينده ايماملار
باره‌سينده دانيشيبلار يا ايمام صادق(ع) باره‌سينده بير سئري دانيشيقلاردا بو
دوشونجه واردير.
* 250 ياشيندا كي اينسانين ياشاييشيندا پئيغمبرين(ص) بوش يئري
اونلار ترور اولان زمانلار كي هئچ مسئوليتلري يوخيدي و بيماريستاندا ايمام
سجاد(ع) موريدينده بير سئري يازيلار يازديلار كي «پاسدار اسلام» نشريه‌سينده چاپ
اولوردو و بيز اونلاردان ايستيفاده ائله‌ميشيك و كولّاً اونلارين موختليف
زمانلاردا بو نظريه‌اينن ايماملار باره‌سينده دانيشيبلار. ايماملارين هر هانسي
موريدينده دانيشاندا اوّل بو 250 ياشيندا اينسان موريدينده دانيشيب سونرا او او
ايمام موريدينده دانيشيرلار. بو بحثلر ييغيليب و بيز ايماملاري بير-بيري‌نين
كنارينا قويدوق. بو مسيرده گؤردوك كي پئيغمبرين بوش يئري احساس اولور. اونا خاطير
بو سوآلين جوابي كي بو 250 ياشيندا اينسان نه‌يي تحويل آلدي؟ پئيغمبرين مدني
جاميعه‌سي نه‌ايدي و هارا چاتدي؟ گلديك پئيغمبرين ياشاييشندا اولان ايتّيفاقلاري
يعني پئيغمبرين سياسي حركتلرين‌ده موعظم رهبري مقامين دانيشيقلاريندان چيخارتديق و
اونا آرتيرديق تا معلوم اولسون 250 ياشيندا كي اينسان نه‌يي تحويل آلدي.
* 250 ياشينداكي اينسانين ياشاييشي 12 ايمامين ياشاييشي دئييل
فارس: پس اونلارين نطرينه 250 ياشيندا كي اينسان بيرينجي ايمامدان باشلايب و
سونونجو ايماما چاتير آما پئيغمبر(ص) بو 250 ياشينداكي اينساندان دئييل؟
شيخ‌لر: بلي 250 ياشينداكي اينسانين ياشاييشي پئيغمبرين(ص)
رحلتيندن باشلايير تا غئيبت صغري‌نين باشلاماسيناجن و حتي حضرت علي(ع) ياشاييشي‌نين
بير قيسمتي 250 ياشينداكي اينسانين ياشاييشينا داخيل اولمور. 12 ايمامين ياشاييشي
دئييل، تاريخين بير تيكه‌سيدير. پئيغمبرين رحلتيندن غئيبت صغري‌يه كيمي تاريخيني‌ده
اونلار دؤرد يئره بولورلر. بيرينجي بؤلومونو سوكوت و همكارليق آدلانديريرلار كل بو
دؤره‌ده بو ايمام موازي جريانلارين قاباغيندا ساكيت اولور و همكارليق ائدير كي
دقيقاً 25 ايل ائلير و او حضرت خليفه‌لرين كناريندا حوكومتين ايداره‌سينده كؤمك
ائدير.
ايكينجي بؤلوم ايمامين حوكومته چاتماغيدير كي 4 ايل 9 آي چكير. حضرت علي‌نين(ع)
و ايمام حسنين(ع) حوكومتي. اوچونجو بؤلوم، قيسا موباريزه دؤره‌سيديركي ايما
حسنين(ع) 10 ايل ايمامتي ايمام حسينين(ع) 10 ايل ايمامتي اولور كي جمعاً 20 ايل
معاويه حوكومتي زماني.
*موعظم رهبري مقامي‌نين اعتيقادينا گؤرهجماعت تاريخي ياخجي باشا دوشمه‌ييب
كربلا جريانيندان سونرا گيزلي و اوزون سورن ساواش بؤلومو باشلايير كي ايماملار
گيزيلنده چاليشيرلار. بوندان قاباق ايمام حسين(ع) آشكار ايش گؤردولر و قيسا مودّت
برنامه تؤكدولر تا معويه‌دن سونرا ايمام حاكيم اولا، آما كربلا واقيعه‌سي و
افرادين بصيرتسيزليغي باعيث اولدو قورخولو ايتّيفاقلار دوشه و ايماملار بو سياستي
اوزون مودّت ائله‌ديلر و گيزلي تشكيلات قوردولار. ايمام صادقين تشكيلاتي خراسان و
آيري يئرلره چاتيب. ايمام موسي كاظك(ع)-ين تشكيلاتي واريدي كي هميشه قوغالا
قاچديدايدي. موعظم رهبري مقامين اعتيقادينا گؤره جماعت تاريخي ياخجي باشا دوشمه‌ييب،
مثلاً بئله بيليرلر كي ايمام سجاد(ع) نوخو‌ايديلر، حال بوكي اونلارين نوخوشلوغو
تكجه 2 هفته چكدي. يا جماعت بئله تصوّر ائدير كي موسي كاظم(ع) هميشه زينداندايدي.
بيري گليب دئميركي ايمام كاظم نه ائله‌دي كي زيندانا سالديلار؟ اونلار او ريواتلري
تفسير ائديرلر كي ايمام كاظيم(ع) قاچاق آداملاري كيمي هميشه قوغالا قاچديدايديلار
و كؤمكلري شيكنجه اولوردولار كي ايمامين يئرين دئسينلر. آغا بو ريوايتلري
آراشديرير و سوروشور مگر ايمام كاظم(ع) نه ائله‌ميشدي؟ بئله دئييرلر كي اونلار
هميشه زينداندا اولارلار. ايمام قياما حاضيرلاشيردي كي عباسي حوكومتي او حضرتي
زيندانا سالدي. او بيري ايماملار دا بئله‌ديلر. مثلاً ايمام ريضا(ع) دا بئله‌دير.
مأمون بير ايش گؤردوكي ايمامين بوتون حركتلري اونون گؤزو آلتيندا اولسون آما ايمام
مأمونون نقشه‌سي‌نين ضيدّينه ايش گؤردو.
بو كيتابين گئديشي ايماملارين ياشاييشيدير. بير محوري باخشينان كي بونلار بير
نفر ايديلر، ايشلري بير-بيرينن موتناقيض دئييلدي و ايجتيماعي و سياسي شراييطينن
موتناسيب حوكومته چاتماغا چاليشيرديلار و بو حوكومت اينسانلارين كمالا
چاتماقلارينا لاب ياخجي وسيله‌دير.