امام رضا (ع)
هجرتیندن بیر ایل سونرا عزیز باجیسینا بیر نامه یازیر. حضرت معصومه (س) نامه‌نی
آلاندان سونرا زینبی رسالتینی یئرینه یئتیرماق اوچون قارداشلاری و قارداشی
اوشاقلاری اینن یولا دوشور. ائله بو مقامدا ملعون مأمون بو سفرین هدفلریندن خبردار
اولوب بو رسالتین یئرینه یئتیریلمه‌سینه مانع اولدو. مأمونون کؤمکلری ساوه شهرینده
خانم معصومه‌نین (س) کروانی اینن ساواشدی و نامردلیغینان کروانین کیشیلری‌نین
چوخونو او جمله‌دن خانم معصومه‌نین (س) قارداشلارینی شهید ائله‌دی. حضرت معصومه
(س) بو بادثه‌دن سونرا ناراحتلیق شدیتیندن و بیر نظره گؤره مسمومیت تأثیرینده
ناخوشلادی و سفرین ادامه‌سی امکانسیز اولدو و قم شهرینه گئتماغا امر ائله‌دی.
قم شهری‌نین
بؤیوکلری بو خبری ائشیدن کیمی او حضرتین استقبالینا گلدیلر. بیر حالداکی موسي بن خزرج
او حضرتین دوه‌سی‌نین یوینی‌نی توتموشدو 201 هجری قمری ایلی‌نین ربیع الاول آییندا
چوخلو همراه جمعیت اینن بیرلیقدا قم شهرینه وارد اولدولار. او حضرت بو شهرده 17
گون موسی بن خزرجین ائوینده قوناق اولدو و نهایتده ربیع الثانی‌نین اونوندا شیعه‌لرین
گؤز یاشی ایچینده دونیایا گؤز یومدو.
خانم معصومه‌نین
دفنیندن سونرا موسی بن خزرج مقبره‌نین اوستونه بوریادان بیر کؤلگه‌لیق دوزلدیر.
سونرالار امام جوادین (ع) بالاسی عمه‌سی قبری اوستونه بیرینجی گونبذی دوزلتدیریر و
بئله‌لیغینان او حضرتین شریق مزاری اهل بیت عاشقلری‌نین قبله‌گاهینا چئوریلیر.
منبع:
كريمة اهل
بيت،
یازانی : سيد محمدصادق ميرقيصري