علمیه حوزه‌لرین
رئیسی آیت الله اعرافی: علمیه حوزه‌سی وهابیتیت سؤز صاحبلری اینن دنیانین هر
یئرینده دوستیانا و منطقی دانیشیغا و حقیقی توحیدین رسالت کیمی ولایت و امامت اینن
بیر بیرینه باغلی اولدوغونو ثابت ائله‌ماغا آماده‌دیر.
او آرتیردی:
ایکی قربان و فطر بایرامی الله تعالی مقابلینده تعظیم بایرامیدیر و توحید بو ایکی
بایرامدا جلوه‌لنیر. هامی توحید و ولایتین بیری-بیرینه باغلی اولدوغونو بیلیر.
امامت و ولایت رسالت و نبوت مشعلیندن گلن مقوله‌دیر و بونلارین هامیسی یئر اوزونده
الله‌ین بیرلیغی‌نین تجلی‌سیدیر.
او آرتیردی:
ائله بونا گؤره، توحید امامتینن قوام تاپیر. امامت و ولایتی توحیدین مقابلینده
گؤرنلرین فکری آلچاق و دوشونجه‌لری اشتباهدیر. توحیدین ولایتسیز معناسی یوخدور.
امامت توحیدین عالمده‌کی تجلی‌سیدیر و تکفیری‌لرین خطاسی ولایتی توحیدین مقابلینده
گؤرماقدیر.
فرهنگی انقلاب
عالی شوراسی‌نین عضوی تصریح ائله‌دی: وهابیلرین مشکلی توحیدی دوزگون
تانیماماقدیر. علمیه حوزه دونیانین هر یئرینده اولموش اولسا وهابیلرین سؤز
صاحبلری اینن دوستیانا و منطقی دانیشماغا و توحیدینن ولایتین رسالت کیمی بیری
بیرینه باغلی اولدوغونو ثابت ائله‌ماغا حاضردیر. وهابیلرین ابن تمیم و آیری آلچاق
دوشونجه‌لی سؤز صاحبلرینه دایانماغینان دوشوندوقلاری توحید بولانلیقدیر.
او آرتیردی:
بیزیم فقیهلریمیز هئچ کسی ساده‌لیغینان شرکه و کفره متهم ائله‌مزلر و راحاتلیغینان
قیلینجا ال آپارمازلار. چونکی بیز مسلمانلار آراسیندا دوستلوغا اینانیروق.