ذی حجه‌نین
اون بئشی امام هادی لقبی اولان، امام ابوالحسن علی النقی‌نین(ع)
ولادتیدیر. شیعه‌لرین اونمینجی امامی 212 هجری
قمری ایلینده ذیحجه یاریسیندا مدینه اطرافیندا «صریا» آدلی یئرده دنیایا گلدی. او
حضرت و اوغلو امام حسن (ع)، عسکریین آدینا مشهور اولدولار، چونکی بنی عباس خلیفه‌لری
اونلاری 233-جو ایلینده سامرایا (عسکره) آپاردیلار و مبارک عمرلری‌نین
آخریناجان اوردا گؤز آلتیندا ساخلاندیلار. امام هادی‌نین
(ع) نقی، عالم، فقیه، امین و طیب کیمی لقبلری
واریدی و مبارک کنیه‌سی ابوالحسن ایدی.
کراملتی آتاسی
« امام جواد (ع)» و محترم آناسی «سمانه» ایدی کی چوخ تقوالی و فضیلتلی خانیم ایدی.
امام هادی هجری قمری ایلین 220-جی ایلینده آتاسی امام جوادین (ع) شهادتیندن سونرا
6 و یا 8 یاشیندا اماملیغا چاتدی. او حضرتین 33 ایللیق امامتی معتصم، واثق، توکل، منتصر،
مستعن و معتز خلیفه‌لری اینن بیر زماندا اولدو.
امام هادی‌نین (ع) شخصیّتی‌نین بؤیوکلویونه دوشمنلر ده
اعتراف ائلیردیلر.
امام هادی‌نین
(ع) غیبت عصرینه داخل اولماق اوچون گؤردوغو ایشلر:
غیبت زمانینا
یاخینلاشدیقجا عباسی خلیفه‌لرین نظارتی چوخالیردی و
امام هادی‌نین (ع) زمانیندا دا ب نظارت چوخ شدتلی صورتده اولوردو
ائله کی بو امام شیعه‌لرینن مستقیم یوخ بلکه وکیل‌لرین
واسطه‌سی اینن رابطه قورودو.
امامین غیبت
عصری‌نین یاخینلاشماغینا گؤردوغو اقداملاردان بونلاری آد
آپارماق اولار:
ـ غیبت زمانی‌نین
چاتماسی و یاخینلاشماسی باره‌ده روایتلرین بیان ائتمه‌سی.
ـ حضرت حجتین
(عج) ولادتینه و اونون گیزلی اولماسینا بشارت وئرماق و بونا هشدار وئرماق که
اولمایا بو مسأله‌نین گیزلیلیغی شیعه‌لری
تردیده سالا.
ـ شیعه او
حضرت اینن تماسلارین آزلتماق. او حده‌جن کی سامرادا بوتون رابطه‌لر
نامه اینن و غیر مستقیم اولوردو.
ـ شیعه‌نین
بعضی فقهی و روایی کتابالرین تأیید ائله‌ماق.
ـ شیعه‌لری
وکیل‌لره ارجاع وئماق و وکیل‌لری
سؤال‌لارا جواب وئرماغا توجیه ائله‌ماق.
ـ غدیریه و
جامعه زیارتلری اینن امامت مقامینی تبیین ائله‌ماق.