روایتده گلیب:حاجی کعبه‌نی طواف ائله‌ینده گناهلاریندان اوزاقلاشار، صفا و مروه‌ده سعی ائدنده گناهلاریندان اوزاقلاشار، عرفاتدا توقف ائله‌ینده گناهلاریندان اوزاقلاشار، مشعرالحرامدا دایاناندا گناهلاریندان اوزاقلاشار، شیطانا داش آتاندا گناهلاریندان اوزاقلاشار. بو سؤزدن بو چیخیر کی هر بیر عمل خاص بیر گناهین باغیشلانما سببیدیر و یا گناهلارین قالانیب پرده – پرده اورگی توتوبلار کی عمل‌لرین هر بیری اینن بو پرده‌لربیر – بیر کنارا چکیلیر. بو اساسدا حجّین قبول اولونما علامتلرین بیری‌ده حجدن سونرا حاجی‌نین گناها یاخین گئتمه‌ماغیدیر. یعنی حاجی یئنه ده گناها مرتکب اولسا بللی اولار کی حجّی دوزگون اولماییب کی اونو گناهلاردان ساخلامیر.
حج اورکلرین شفاسیدیر و اورکلری شرکدن و پخیللیقدان اوزاقلادار. حج اؤزونه مخصوص لبیکی اینن جاهلیت و شرکین سیندیرانی و بوتون باطل‌لری محو ائله‌یندیر.
کعبه انسانلارین مرجعیدیر. مرجع انسانین اوردان گلدیغی و اورا قاییداجاغی یئره دئیرلر. بونا گؤره کعبه انسانلارین اصلی وطنیدیر و بیری کعبه زیارتینه گئدنده اؤز اصلینه قئییتمیش اولور.