اوروجلوق آیی راز- نیاز و دعا آییدیر. دعا نه اینکی چتینلیق زمانلاری بلکه انسانین بوتون لحظه‌لرینه لازم اولان عنصردور. دعا الله‌ـا اولان اورکده‌کی عشقی جانلاندیرار. دعایا مخصوص آداب رسوم احتیاج یوخدور. دعا انسانین خالق اینن خلوتده‌کی دانیشیغیدیر. هرچند ائمه‌دن نقل اولموش دعالاری اوخوماغین آیری تأثیری وار آما انسانین الله‌اینان راز و نیازی هر نه جور و هر نه دیلده اولسا انسانین لاپ گؤزل لحظه‌لریندن ساییلیر.

لاب یاخجی دعانی الله‌دان بیزی جهنمدن و عذابدان قورتارماغی ایسته‌ماقدیر. حقیقتده اوددان اوزاق اولماغی ایسته‌ماغینان الله‌دان ایستیروق بیزی دوز یولدان آییرماسین و بوتون عمل‌لریمیزی اؤز دئدیغی کیمی قرار وئرسین. اوددان اوزاق اولماغی ایسته‌ماغینان حقیقتده دوزگون بنده اولماغی ایسته‌میشوق.