اوروجلوق آیی‌نین بیرینجی گونونون دعاسیندا اوخوروق: « اللهمَّ اجعل صِیامی
فیهِ صِیامَ الصائِمین، وَ قِیامی فیهِ قِیامَ القائِمین، وَ نَبِّهنی فیهِ عَن
نَومَةِ الغافِلین، وَ هَب لی جُرمی فیهِ یا اِلهَ العالَمین، وَاعفُ عَنّی یا
عافِیاً عَنِ المُجرِمی ؛ ای الله! بو آیدا اوروجومو اوروجتوتانلارین سیراسیندا
یئر وئر، گئجه‌لر آییق قالمامی گئجه آییق قالانلارین سیراسیندا و اوندا منی غافل‌لرین
یوخوسوندان اویالت و منیم گناهیمی باغیشلا ای عالملرین معبودی و منی باغیشلا ای
گناهلاری باغیشلایان»
روایتلرده گلیب: «غیبت، یالان، دال به دال [حرام] باخیش، یامان دئماق، ظلم
ائتمک -آز و یا چوخ- اوروجو باطل ائلر. اوروج فقط یئییب ایچماقدان پرهیز ائله‌ماق
دئییل. اوروج انسانین قولاغی، گؤزو و هر بیر اعضاسی اوروج توتمالیدیر. ال- آیاغینی
ساخلا و چوخ ساکت اول مگر خیر ایشده. نؤکرینله مدارا ائله. نؤکرینی اذیّت ائله‌مه
و اوروجون وقارینی ساخلا و اوروجو اولمادیغین گون اینن فرقین اولسون».
بیر آیری روایتده گلیب: «الله-ین اوروج توتانا واجب ائله‌دیغی لاپ راحت ایش
یئییب ایچماقدان چکینماقدیر».
بو روایتلردن و چوخلو بونلارا اوخشار روایتلردن بیلینیر کی الله-ین انسانی
کامل‌لتماقدان اؤترو اونا واجب ائله‌دیغی اوروج، بوتون اعضانین گناهدان اوزاق
اولماسیندان عبارتدیر. و لاپ کامل اوروج قلبی الله-دان ساوایی هر شئیدن فارغ ائله‌ماقدیر.