مبعث گئجه‌سی رجب
المرجب آیی‌نین
مبارک گئجه‌لریندندیر.
بو گئجه‌یه بیر
سئری عمل‌لر نقل
اولوب. امام جواددان (ع) نقل اولوب: «رجب آییندا گونش اوندا پارلایاندان داها
یاخجی بیر گئجه وار و او گئجه سحرینده رسول الله، پیغمبرلیغا مبعوث اولان گئجه رجبین
27-سی دیر. بیزیم شیعه‌لردن هر کیم او گئجه‌نین اعمالینی یئرینه گتیرسه 60 ایلین اجرینی قازاناجاق». او حضرتدن سوروشدولار:
«او گئجه‌نین عمل‌لری نه‌لردیر؟» امام
بویوردو: «خفتن نمازینی قیلیب یاتاغا گئدندن سونرا، گئجه یاراسیندان تئز هر هانسی ساعتده آییلیب 12 رکعت نماز
قیلاسان و هر رکعتده حمد اینن مفصل قیسا سوره‌لرین (محمد سوره‌سیندن قرآنین آخرینا قدر) بیرینی اوخویاسان، هر ایکی رکعتدن
سلام وئرندن سونرا اوتوروب حمد، معوذتین، توحید، کافرون، قدر سوره‌لرینی و آیة
الکرسی‌نی هر
بیرینی یئددی مرتبه اوخویاسان و بو عمل‌لرین هر بیری‌نین آخرینده مخصوص دعا اوخویاسان». بو دعالا مفاتیح الجنان کتابیندا مفصل
صورتده توضیح وئریلیب.
بو گئجه‌ده غسل
ائله‌ماق‌دا مستحبدیر.
امیرالمؤمنین زیارتی بو گئجه‌نین فضیلتلی عمل‌لریندن ساییلیر. مفاتیح الجناندا او حضرته اوچ زیارت نقل اولونوب.
رحمتلیق شیخ عباس قمی مفاتیح الجناندا رجبین 27-جی گئجه‌سینده امیرالمؤمنین زیارتی‌نین اوخونماسی‌نین فضیلتینه چوخ تأکید ائله‌ییب. اونون یازدیغینا گؤره، نه فقط شیعه‌لر بلکه سنت اهلیندن بیر عده‌ده اونا اشاره ائله‌ییبلر. بو باره‌ده ابن بطوطه‌نین سفرنامه‌سینه
اشاره ائدیب: . . او جمله‌دن سنت اهلی‌نین
عالملریندن اولان آلتی یوز ایل بوندان اوّل یاشامیش ابو عبدالله محمد بن بطوطه، «رحله
ابن بطوطه» آدلی سفرنامه‌سینده مکه‌دن نجفه داخل اولماسی باره‌ده یازیر: «بو شهرین اهالیسی‌نین هامیسی رافضیدیلر و امیرالمؤمنین روضه‌سینه کرامتلر
ظاهر اولوب. اونلاردان اورانین اهالیسی آراسیندا «لَيْلَةُ الْمَحْيا» آدینا معروف
اولان رجبین ایرمی یئددینجی گئجه‌سی، عراق عجم و عراق عربدن و رومدان اوتوز قیرخ نفر چولاق و افلیج آدام ییغیشیب
گلرلر و خفتن نمازیندن سونرا اونلاری مقدس ضریحین یانینا گتیررلر و جماعت ییغیشیب
اونلارین ساغالماسینی گؤزلرلر. گئجه‌نین یاریسی و یا اوچدن ایکیسی گئدنه قدر بو جماعتین بیر عدّه‌سی نمازا مشغول
اولار و بعضیسی ذکر دئیَر و بیر تعدادی قرآن تلاوت ائلر و بعضیلری‌ده روضه‌یه باخارلار. او
آن حرکت ائده بیلمه‌ین بو افلیجلر هئچ ناخوشلوقلاری اولمادان ساپ-ساغلام آیاغا دوروب «لا اِلهَ اِلا اللّهُ مُحَمَّدٌ رَسُولُ اللّهِ
عَلَىُّ وَلی ُّاللّهِ» دئیَرلر. بو مشهور و مستفیض مسأله‌دیر. من اؤزوم او گئجه‌نی درک ائله‌مه‌میشم آما
سؤزلرینه ایناندیغیم ثقه انسالاردان ائشیتمیشم. هم ده بیر مدرسه‌نین مسافرخاناسیندا
اوچ افلیج انسان گؤردوم. اونلاردان سوروشدوم: سیز نیه توخدامامیسیز و بوردا
قالیبسیز؟ جواب وئردیلر: بیز ایرمی یئددینجی گئجه‌یه چاتمامیشیوق و شفا آلماق اوچون بوردا قالیب گلن ایلی
گؤزله‌ییروق.
بو گئجه شهرلردن چوخلی جماعت ییغیشار و اون گونه قدر بؤیوک بازار قورولار. فقیر
دئییر: آماندی بو مسأله نظرینه بعید گله. بو مشرفه مشاهددن گؤرونن معجزه‌لره سایا گلمز
حدده چوخدور و متوار اولوبلار . . .».
رجبین ایرمی یئددینجی گونونو عمل‌لری
بؤیوک بایراملاردان و حضرت رسول صَلَّى اللَّهِ عَلِيهِ وَ اله-ین رسالته
مبعوث اولان گونو و جبرئیلین پیغمبریمیزه نازل اولان گونودور. بو گونون نئچه عملی
وار:
غسل ائله‌ماق
اوروج توتماق و بو گون ایلی بویو ممتاز ساییلان دؤرد گوندن بیریدیر. بو گونون
اوروجو یئتمیش ایلین اوروجو اینن برابردیر.
چوخلو صلوات چئویرماق.
حضرت رسول الله (ص) و اميرالمؤ منين (ع) زیارتینی اوخوماق.
شیخ مصباح کتابیندا یازیر: رَيّان بن الصّلت‌دن نقل اولوب کی حضرت امام جواد عليه السلام بغداد دا اولان
زمان رجبین اون بئشینده و ایرمی یئددیسینده اوروج توتدو و بوتون آداملاری‌دا اوروج توتدو.
بیزه امر بویوردو 12 رکعت نماز قیلاق و هر رکعتده حمد و سوره اوخونا و هر نمازدان
قورتولاندان سونرا حمد و توحيد و مُعَوَّذَتين سوره‌لری‌نین هر بیری دؤرد دفعه اوخونا و دؤرد دفعه « لا اِلهَ اِلا اللّهُ واللّهُ اَكْبَرُ
وَسُبْحانَ اللّهِ وَالْحَمْدُلِلّهِ وَلا حَوْلَ وَلا قُوَّةَ اِلاّبِاللّهِ الْعَلِىِّ
الْعَظيمِ» دئییله و دؤرد دفعه «اللّهُ اللّهُ رَبِّى لا اُشْرِكُ بِهِ شَيْئا» دئییله و دؤرد دفعه‌ده «لا اُشْرِكُ بِرَبِّى اَحَدا» دئییله.
هابئله شیخ، جناب ابوالقاسم حسين بن رُوح‌دان نقل ائلیر کی بویوردو: « او گون 12 رکعت نماز قیلارسان
و هر رکعتده حمد و راحت سوره‌لرین بیرینی اوخویارسان و تشهد سلامدان سونرا هر ایکی رکعت آراسیندا بئله
دئیَرسن:
اَلْحَمْدُ لِلّهِ الَّذى لَمْ يَتَّخِذْ وَلَداً وَلَمْ يَكُنْ لَهُ شَريكٌ فى
الْمُلْكِ
وَلَمْ يَكُنْ لَهُ وَلِىُّ مِنَ الذُّلِّ وَكَبِّرْهُ تَكْبيراً يا عُدَّتى فى
مُدَّتى يا
صاحِبى فى شِدَّتى يا وَليّى فى نِعْمَتى يا غِياثى فى رَغْبَتى يا
نَجاحى فى حاجَتى يا حافِظى فى غَيْبَتى يا كافِىَّ فى وَحْدَتى يا
اُنْسى فى وَحْشَتى اَنْتَ السّاتِرُ عَوْرَتى فَلَكَ الْحَمْدُ واَنْتَ الْمُقيلُ
عَثْرَتى فَلَكَ الْحَمْدُ وَاَنْتَ الْمُنْعِشُ صَرْعَتى فَلَكَ الْحَمْدُ صَلِّ
عَلى
مُحَمَّدٍ وَآلِ مُحَمَّدٍ وَاسْتُرْ عَوْرَتى وَآمِنْ رَوْعَتى وَاَقِلْنى عَثْرَتى
وَاصْفَحْ عَنْ جُرْمى وَتَجاوَزْ عَنْ سَيِّئاتى فى اَصْحابِ الْجَنَّةِ وَعْدَ
الصِّدْقِ الَّذى كانُوا يُوَعَدُونَ
هر نماز و دعادان قورتولاندان سونرا حمد، اخلاص، مُعَوَّذَتَيْن، قُلْ يا اَيُّهَا
الْكافِرُونَ، اِنا اَنْزَلناهُ و آية الكرسى‌نی هر بیرینی یئددی مرتبه اوخویوب یئددی دفعه «لا اِلهَ اِلا اللّهُ واللّهُ اَكْبَرُ وَسُبْحانَ
اللّهِ وَلا حَوْلَ وَلا قُوَّةَ اِلاّ بِاللّهِ» دئیَرسن. سونرا یئددی دفعه «اللّهُ
اللّهُ رَبَّى لا اُشْرِكُ بِهِ شَيْئا» اوخویاندان سونرا ایسته‌دیغین دعانی
ائلرسن.