«عمر بن خطاب» بیر تاریخی سئریالدیر
کی 31 قیسمتده حاضیرلانیب و «ام‌بی‌سی»دن پخش اولور.
خبر آنلاینین گوزاریشینه گؤره, بو
سئریال ایکینجی خلیفه‌نین یاشاییشین ریوایت ائلیر و اونون خاورمیانه‌ده پخش اولماسی
مینلر نفرین اعتیراضینا باعیث اولوب. اعتیراض بونا خاطیردیر کی فیلیمده پیغمبرین و
اونون اصحابی‌نین نوماییش طرزی ایسلام قانونلاری‌نین ضیدّینه‌دیر. بو سئریال عرب
دونیاسی‌نین لاپ بؤیوک تلوزیونی محصولی ساییلیر. سئریالدا 30 مین نفردن آرتیق عادی
جماعتین حضوری واردیر و فیلمین عوامیلی 10 اؤلکه‌دن بیر یئره ییغیشیبلار و سئریالین
31 قیسمتی 300 گونده فیلیمبردارلیق اولوب.
سئریال رمضان آیی آنتئنه گئتدی و
خاورمیانه‌ده بو فصلین لاپ چوخ باخیلان سئریالی ساییلیر.
مصرین الازهر دانیشگاهی بو سئریالین
علئهینه بیر فتوا وئریب و اوندا شخصیتلرین نوماییش طرزینی گوناه میصداقی ساییب.
عربستانین دارالافتاءسی کی عربستانین رسمی فتوا مرکزی ساییلیر هله‌کی بو باره‌ده
فتوا وئرمه‌ییب.
پیغمبر(ص) و آیری ایسلامی شخصیتلرین
چؤهره‌سینی نوماییش وئرماق قورآندا منع اولماسا دا ایسلام عالیملری‌نین چوخو بو
ایشی جاییز بیلمیرلر.
خاورمیانه‌ده مینلر نفر بو سئریالا
اعتیراض ائدیبلر و اونون نوماییشی‌نین دایاندیرلماسینی ایسته‌ییبلر.
سئریالی حاضیرلایانلار اؤزلریندن
دیفاع ائدیب دئییبلر کی ایسلام روحانیلرین چوخو فیلمین ریوایت طرزینی تأیید
ائدیبلر.
ایشاره ائله‌ماق یاخجیدیر کی
عربستاندا مذهبی فیلم دوزلدنده, اوّلده اونو الازهره گؤنده‌ررلر تا او دانیشگاهین
تأییدیندن سونرا آنتنه گئده آما بو فیلیمده بو ایش گؤرولمه‌ییب. قراردی بو فیلیم
ترکیه شبکه‌لرینه‌ده گئتسین.