بو سويون نئچه خاصيّتي وار. بيرينجي
بو كي راكيد ده اولسا هئچواخت رنگي و دادي عوض اولماييب. 50 ايلدير كي بو سو بير
سطحده قاليب، نه آزاليب نه چوخاليب.
74 ياشلي شئيخ عباس، كي 36 ايلدير
ابوالفضل العباس (ع)-ين حرمينه خاديمدير، كربلا علمداري‌نين قبري‌نين دؤره‌سينده‌كي
سودان توضيح وئردي.
مهرين گوزاريشينه گؤره او دئدي:
قاباقجادان موطهر سردابدا ايكي بولاق واريدي كي 400 ايل قاباق بو سو يكسر قاينيردي
و بير طرفدن گليب آيري طرفدن گئديردي كي اونون دادي دونياين لاب ياخجي معدني
سولاردان دا ياخجي‌راق‌ايدي. او سردابين پيلّه‌سي واريدي و جماعت گليب او سودان
تبرّوك كيمي ايستيفاده ائديرديلر كي سو يايدا سرين و قيشدا ايستي‌ايدي.
آما آلاهدان خبرسيز بيري گلدي بو
باهانا ايله كي ابوالفضل العباس (ع) حرمي‌نين دوواريندا چات وار، دئدي ايستيرم
گؤرم بو ايكي بولاق هاردان گلير. سونرا او ايكي بولاغي كور ائله‌دي و سونرا نه‌قدر
چاليشديلار بولاقلار آچيلماديلار.
آما ايكي آيدان سونرا سو يوخاري گلدي
و سردابا چاتدي و او سو كورلارا شفا وئريردي.
50 ايل قاباقجادان بو سويون سطحي
ثابيت قاليب، نه آزاليب نه چوخاليب.
او ايدامه وئردي: سيز ياخجي بيليرسيز
كي سو 10 گون بير يئرده قالسا ايگله‌نر، آما بو سو گلن يئري باغلانسادا گولاب
كيميدير و حضرت ابوالفضل العباسين (ع) موطهر قبري‌نين اطرافيندا حلقه ووروب و تازا
و عطيرلي قاليب.
او آرتيردي: ايندي ابوالفضل
العباسين (ع) موطهر قبري‌نين صاحب‌الزمان قاپيسيندا بير پنجره وار كي حرمين
سردابينا وصلدير و ديقت ائله‌سز هميشه گولاب ايگي گلر و بو همان سودور كي
موتأسيفانه اينديكي خاديملر اونون قاپيسين باغلاييبلار و سردابين يولون زاييرلره
باغلاييبلار. (حج و زيارت سازماني‌نين ايطلاع رساني پايگاهي)
بو سويون نئچه خاصيتي وار. بيرينجي بو
كي راكيد ده اولسا هئچواخت رنگي و دادي عوض اولماييب.
ايكينجي خاصيتي بو كي اونون سطحي آقا
اوبوالفضلين(ع) قبريندن يوخاريدادير آما سو قبرين ايچريسينه سوزمور.