شعبانیه مناجاتی اهلی اولانلار و اونو گوجلری قدر درک ائده بیلنلر اوچون بؤیوک ایلاهی معرفتلردن بیری ساییلیر.
کامل عارف اولان امام خمینی (ره) مختلف فرازلاردا مسئوللار و جماعتینن دانیشیقلاریندا بو دعانی اوخویویب اوندا دوشونماغی توصیه بویوراردی.
هابئله مختلف یئرلرده شعبانیه مناجاتیندان تعریف و تمجید ائلهییب. او قدر کی او حضرتین مأنوس اولدوغو دعالارین بیرینی ده بو شعبانیه مناجاتیندان آد آپارماق ولار.
او عاشق و زاهد عارف، سؤزلرینین هر یئرینده شعبانیه مناجاتیندان سؤز آچیر و جماعتی و مسئوللاری بو دعانین اوخوماسینا دعوت ائلیر: «من دعالار ایچینده ائله بیر شئی گؤرمهمیشم کی دئییله اماملارین هامیسی بو دعانی اوخویوب. آما شعبانیه دعاسیندا بو وار. آما منیم یادیما گلمیر آیری دعادا بئله یازلا کی اماملارین هامیسی بونو اوخویوبلار. بو شعبانیه دعاسی سیزی و هامینی «ضیافةالله»ا حاضرلاماق اوچوندور.
امام آیری یئرده بویورور: « شعبانیه مناجاتی اوخشاری آز اولان مناجاتلارداندیر؛ امام سجاددان وارد اولان ابو حمزه دعاسی کیمی. اونون دا اوخشاری آزدیر بونون دا وخشاری آزدیر. کمیل دعاسی شعباندا واردا ولوب و شعبانین 15-ده اوخونان دعالارداندیر. اوندا بیزیم الیمیز چاتمایان سرّلر وار. اماملاردان وارد اولان دعالارین هامیسیندا دوشونماق لازمدیر. و نظر اهلی اولانلار اونا شرح یازمالیدیرلار. اونلاری جماعته ارائه وئرسینلر؛ هرچند واقعیتده اولانی هئچ کس بیان ائده بیلمز.»
منابع:
صحیفه امام، ج ۱۳، ص۳۱
صحیفه امام، ج ۲۰، ص۲۵۰