الله تعالی
قرآن کریمده بویورور: «یا ایها الذین آمنوا قوا انفسکم و اهلیکم نارا» یعنی ائی
ایمان گتیرنلر اؤزوزو و اهلیزی اوددان اوزاق ساخلایین.
دونیا جغرافیاسی و تاریخ بویوندا دیانت و بندهلیق محوری پیغمبریمیزین مبارک
وجودودور. اؤز اللهین مطلق عبدی اولان بیری عبودیتی دونیایا یایماغا گلیب. عبدلیغین بوتون یوکونو و حتی اؤزگهلرین
یوکونو ده چیگنینده داشیماغا گلیب. پیغمبر اکرم (ص) انسانلیغین سرپرستی کیمی بو
بؤیوک عایلهنی سعادته چاتدیرماغا چالیشیب.
تفسیر صافینین
اوّللرینده امام صادقدن (ع) بئله بیر حیدث نقل اولور کی او حضرت بویوردو: روحلار
عالمین بیزیم پیغمبریمیز بوتون انبیانین نبیسی ایدی. یعنی بوتون پیغمبرلر او حضرت
ولایتی آلتیندایدیلار.
علل الشرایع
کتابیندا دا بئله نقل اولوب. بیر نفر امام رضانین (ع) محضرینه گلیب سوروشور: نییه
پیغمبره ابوالقاسم دئییلیر؟ امام بویورور: پیغمبرین قاسم آدلی اوشاغی اولدوغونا
گؤره او حضرته ابوالقاسم دئییلیر. او شخص عرض ائلهدی: منی اهل بیلسز بیر آز آرتیق
بویورون. امام بویوردو: مگر علی بن ابی طالب (ع) قاسم دئییل؟ (قسیم النار و الجنه
معناسیندا). عرض ائلهدی: بلی. حضرت بویوردو» پیغمبر ابوالقاسمدیر یعنی
امیرالمؤمنین و بوتون ایلاهی اولیا پیغمبرین نظری آلتیندادیلار.
مجمع البیان
تفسیرینده یازیلدیغی کیمی پیغمبر بوتون انسانلارا بیر آتا گؤزو اینن باخاردی.
گؤرسه ایدی بیری اونون دعوتینی قبول ائلهمهییب ضلالتده قالیردی. عیبی و ضعفی
اؤزونده آختاریردی و عبادتلرینه آرتیریردی. گئجهلری او قدر آیاق اوسته قالیردی کی
آیاقلاری شیشیردی و یوخوسوزلوقدان مبارک چهرهسی سارالیردی.
سونرا «مَا أَنزَلْنَا
عَلَیْکَ الْقُرْآنَ لِتَشْقَی» آیهسی نازل اولدو. یعنی ائی پیغمبر بیزی سن
اؤزونو مشقّته سالماقدان اؤترو بو قرآنی نازل ائلهمیشوق.