آيت اللَّه ميرزا جوادآقا ملكي تبريزي هجری شمسی 13-جو عصرین بیرینجی
یاریلارینین
آخرلرینده تبریز شهرینده دنیایا گؤز آچدی. او نجفده آخوند خراساني و حاج آقارضا همداني کیمی
استادلارین محضرینده فقه و اصول درسلرینی اوخودو. او بیر مدّت سونرا آخوند ملاحسينقلي
همدانينین
محفلینده عرفانا و سیر و سلوکا قدم قویدو.
او کرامتلی انسان 1280 هجری شمسی ایللرینده قم شهرینده تدریسه باشلادی. او اوستادین محضرینده
چوخلو بؤیوک شخصیّتلر او جملهدن حاج آقا حسين فاطمي قمي، آخوند ملا علي همداني، سيد شهابالدين مرعشي نجفي،
سيد ابوالقاسم خويي، سيد رضا بهاءالديني و حضرت امام خميني(ره)تربیت تاپدی. هابئله
بو سالک الی اللهین اسرار الصلاة، المراقبات و رساله لقاءاللَّه و... کیمی کتابلاری عرصهیه گلدی.
نهایتده بو بؤیوک عالم و عارف 1305 هجری شمسی ایلینین خردادین بیرینده 1344 هجری قمری ایلینین ذی الحجه آیینین اون بیرینده
فانی دنیایا گؤز یومدو و خانم معصومهنین (س) جیواریندا شیخان قبرستانیندا تورپاغا تاپیشیریلدی.