تازا فرقه‌لر
انسانلارین فکرینی مدیریت ائلیرلر. فرقه‌لر اؤزلری اوچون ایدئولوژی طراحلیق ائله‌دیقلارینا گؤره جامعه‌ده قالارگی اولورلار و مؤسسلری‌نین حذف اولماسی اینن آرادان گئتمیرلر بلکه اؤز حیاتلارین
ادامه وئریرلر.
فرقه‌لر جامعه
یارانان ایدئولوژی بوشلوقلاردان استفاده ائله‌ییب اونلارین یئرینی یالانچی ایدئولوژی‌لرینن دولدورورلار و جامعه‌نین ترقّیسی اوچون لازم اولان نیرو و انرژیلری انحرافی و ضد
دین مسیرینه آپاریرلار.
ایش اورا چاتیب کی ایندیلیقدا تهران کیمی شهرده 400 دن آرتیق مختلف و رنگ به
رنگ فرقه‌لری
یارانیب و جماعتی منحرف ائله‌ماغا چالیشیرلار.
اسلام دینی سهل و رحمانی بیر دیندیر کی جامعه‌یه دوزگون تانیتدیریلسا و جوانلارا مناسب صورتده عرضه
اولسا، اونلار یالانچی فرقه‌لره طرف چکیلمزلر آما ایش حجمی‌نین چوخ اولدوغو و بعضاً بیزلرین آز چالیشماسی میدانی فرقه‌لری آچیق بوراخیر و عرصه‌نی اونلار اوچون بوشالدیر.