معصوملاردان گلن روایتلره گؤره دینی عالملرین وظیفه‌لری دؤرد عنواندا دئییلیب: دیندارلیق قلعه‌لری، دینی اعتقادلار مرزلرینی ساخلاماق، دیندار یتیملرین قیّملیغی و دیندار جمعیتدن مواظب اولماق. بحار الانوار، ج ۲، ص ۱ – ۲۶.

1ـ دیندارلیق قلعه‌لری

قلعه‌لر دوشمنلرین حمله‌سی قاباغینی آلماق اوچون دوزَلر. بونا گؤره‌ ده قلعه‌لر اوجا و محکم تیکیلر و اونلارین باشیندا دوشمنی رصد ائله‌ماق اوچون نگهبانلار قویولار.

قلعه‌لر سایدیغیمیز خصوصیتلره نظر سالماغینان، بعضی روایتلرده عالملر اسلام قلعه‌لری عنوانیندا مطرح اولوبلار کی جماعیتن دین و ایمانی‌نین دؤره‌سینه چکیلیب. مثال اوچون آشاغیداکی روایتده دین عالمی صراحتاً قلعه آدلانیب: «أَنَّ الْمُؤْمِنِينَ الْفُقَهَاءَ حُصُونُ الإِسْلَامِ كَحِصْنِ سُورِ الْمَدِينَةِ لَهَا؛ مؤمن فقیهلر شهر دؤره‌سینی دوزلمیش قلعه‌لر کیمی اسلامین قلعه‌لریدیلر». قلعه‌لرین دوشمنی قاباغینی آلدیغی کیمی‌ده عالملر ده بو قلعه‌لره تای شیطانلارین دین و ایمان ساحه‌سینه حمله‌ ائله‌ماغی‌نین قاباغینی آلارلار.

2ـ دینی اعتقادلار مرزلرینی ساخلاماق

امام صادقدن (ع) بیر روایتده بئله گلیب:  «علماء شيعتنا مرابطون بالثغر الذي يلي إبليس وعفاريته، يمنعونهم عن الخروج على ضعفاء شيعتنا، وعن أن يتسلط عليهم إبليس وشيعته النواصب، ألا فمن انتصب لذلك من شيعتنا كان أفضل ممن جاهد الروم والترك والخزر ألف ألف مرة لأنه يدفع عن أديان محبينا، وذلك يدفع عن أبدانهم؛  شیعه‌لریمیزین عالملری شیطانلاری اونون یانیندا کمین قوردوغو باجالارین مواظب اولانلاریدیلار کی شیطان و اونون متعصب لشکرینه اوردان ضعیف شیعه‌لره حمله ائله‌ماغا امکان وئرمیرلر. بیلین ! هر کس اؤزونو دین مرزلریندن مواظب اولماغا وقف ائله‌یه مینلر دفعه روم، تورک، و خزر اینن جهاد ائله‌ماقدان یاخجیدیر. چونکی او انسان بیزیم دوستلارین دینیندن دفاع ائله‌ییر و بو (جهاد ائله‌ین) شیعه‌لرین بدنیندن دفاع ائله‌ییر. [بحار الانوار، ج ۲، ص ۵]

3ـ دیندار یتیملرین قیّملیغی

بعضی روایتلرده شیعه‌لردن و دیندارلاردان، علمی و معنوی آتاسینی الدن وئرمیش یتیملر کیمی یاد ائدیلیب و دین عالملری اونلارین تعلیم و تربیتینی عهده‌لرنه آلماغینان حقیقتده اونلارین کفالت و قیّملیغینی بویونلارینا آلیرلار.

پیغمبر اکرمدن (ص) بئله نقل اولوب: «أشد من يتم اليتيم الذي انقطع عن أبيه، يتم يتيم انقطع عن إمامه و لا يقدر على الوصول إليه و لا يدري كيف حكمه فيما يبتلي به من شرائع دينه، ألا فمن كان من شيعتنا عالما بعلومنا و هذا الجاهل بشريعتنا المنقطع عن مشاهدتنا يتيم في حجره، ألا فمن هداه و أرشده و علّمه شريعتنا كان معنا في الرفيق الأعلى؛ آتاسیندان قیریلمیش یتیمدن بَتَر، امامیندان قیریلیب اؤنا چاتا بیلمه‌ین و باشینا گلدیغی دینی مسأله‌لرینده نه ائده‌جاغینی بیلمه‌ین یتیمدیر. بیلین ! هر کس بیزیم شیعه‌لریمیزدن علملریمیزه آگاه اولا و بیزیم شریعتیمیزه جاهل اولان و بیزیم گؤروشوموزدن محروم اولان بو جور یتیمی، اؤز اَتگینده قبول و تربیت ائله‌یه و بیزیم شریعتیمیزی اونا اؤرگده، اعلی رفیقده بیزیمله برابر اولاجاق. [ميزان الحكمة، ج ۴، ص ۳۷۱۰ – ۳۷۱۱]

و هابئله امام کاظم (ع) بو باره‌ده بویوروب: «فَقِيهٌ وَاحِدٌ يُنْقِذُ يَتِيماً مِنْ أَيْتَامِنَا الْمُنْقَطِعِينَ عَنَّا وَ عَنْ مُشَاهَدَتِنَا بِتَعْلِيمِ مَا هُوَ مُحْتَاجٌ إِلَيْهِ أَشَدُّ عَلَى إِبْلِيسَ مِنْ أَلْفِ عَابِدٍ لِأَنَّ الْعَابِدَ هَمُّهُ ذَاتُ نَفْسِهِ فَقَطْ وَ هَذَا هَمُّهُ مَعَ ذَاتِ نَفْسِهِ ذَاتُ عِبَادِ اللَّهِ وَ إِمَائِهِ لِيُنْقِذَهُمْ مِنْ يَدِ إِبْلِيسَ وَ مَرَدَتِهِ فَذَلِكَ هُوَ أَفْضَلُ عِنْدَ اللَّهِ مِنْ أَلْفِ أَلْفِ عَابِدٍ وَ أَلْفِ أَلْفِ عَابِدَةٍ؛ بیزدن و گؤروشوموزدن اوزاق اولان یتیمی کفالت ائله‌ین و و احتیاجی اولدوغونو انا اؤرگدن بیر فقیهین تأثیری شیطانا مین عابددن داها شدیددیر. چونکی عابدین همّتی فقط اؤز نفسینی قورتارماقدیر آما فقیه اؤزونو قورتارماقدان علاوه الله بنده‌لرینی و امه‌لرینی ابلیس و اونون قوشونونون الیندن قورتارماق فکرینده‌دیر. بونا گؤره بو فقیه مینلر دفعه کیشی و آرواد عابددن داها یوخاریدیر».[بحار الانوار، ج ۲، ص ۵]

4ـ دیندار جمعیتدن مواظب اولماق

بعضی روایتلرده دین عالملری دیندارلاردان موغایات اولان چوبانلار کیمی آدلانیبلار و شیطانلار دا همیشه جمعیتی آرادان آپارماغا چالیشان جاناوارلار کیمی ساییلیبلار.

محمد بن مسلم امام محمد باقردن (ع) بئله نقل ائله‌ییب: «هر کس عبادتینی اینانجینان یئرینه گتیره و اؤزونو زحمته سالا آما الله طرفیندن بیر امامین وارلیغینا اینانمایا، اونون چالیشماسی قبول اولماز و بئلنچی شخص گمراه و سرگرداندیر و الله اونون ایشلرینی دوشمن سایار. او سوروسوندن و چوبانیندان آیریلمیش قویون کیمیدیر کی گونون باشا -باشینی اویان –بویانا قاچیر. گئجه اولاندا گؤزو بیر سورو و چوبانا دوشور و اشتیاقینان اونا طرف قاچیب اونا توولانیر و گئجه‌نی اونلارین تؤوله‌سینده گئچیدیر. سحر چوبان قویونلاری اوتلاماغا آپاراندا سورونون و چوبانین اونا عاید اولمادیغینی بیلر و تازادان اویان بو یانا قاچیر کی چوبان و سوروسونو تاپسین. بو آندا چوبان و سوروسونه راست گلیر و شوق اینان اونلارا طرف قاچیر و اونا توولانیر. بو آندا چوبان قیشقیریب اونا دئییر: اؤز سورو و چوبانینا قوشول کی سن گمراه و سرگردانسان و اؤز سورو و چوبانینی ایتیریبسن! او قویون‌دا گئنه هراسان و سرگردان اؤز اوتلاغی و یئرینه چاتماق اوچون چوبانسیز اویان -بویانا قاچیر. بو حینده بیر جاناوار یولدان چاتیر قویون پارچالاماغا فرصتی مناسب گؤروب اونو یئییر. ائی ابا محمد! هر کس بو امّتدن الله طرفیندن اولان ظاهر و عادل امامینی تانیمادان سحر ائله‌یه، گمراه و سرگرداندیر و بو حالدا دنیادان گئتسه، کفر و نفاق اینان دنیاندان گئدیب».[ کافی، ج ۱، ص ۱۸۳ – ۱۸۴. «باب معرفة الامام و الرد الیه».]