واجباتی یئرینه گتیرماقدان منظور بنده‌لیق مقامینا چاتماقدیر کی او دا الله-ین امرلرینه بویون اَیماغینان اله گلر.
عبادتلرینی یئرینه گتیرماق الی بیر توفیق ساییلیر. یعنی عبادت ائله‌ماغا زمینه یارانماق الله-ین انسان اولدوغو لطف و توفیقدن اله گلر.
حضرت علی (ع) لاپ بؤیوک فریضه‌لرین وصفینده بویوروب: «الله-ین بنده‌لره واجب ائتدیغی فریضه‌لرین حدّی-حدودی بئش فریضه‌دیر :نماز، زکاتّ حجّ، اوروج و او بیری دؤرد فریضه‌یه حافظ اولان ولایتدیر» بحارالأنوار: 68 / 388 / 39 منتخب میزان الحکمة: 444
او حضرت عبادتلر ایچینده واجباتین اهمیّتی باره‌ده بویوروب: «فریضه‌لر کیمی عبادت یوخدور». نهج‌البلاغة: الحکمة 113 منتخب میزان الحکمة: 444
پیغمبریمیز ده (ص) واجباتین یئرینه گتیرماغی باره‌ده بویوروب: «الله-ین فریضه‌لرینه عمل ائله کی متّقی جماعتدن اولاسان». الکافی: 2 / 82 / 4 منتخب میزان الحکمة: 444
هابئله حضرت علی (ع) آیری حدیثده واجباتا تأکید بویورور: «فریضه‌لر ! فریضه‌لر! اونلاری الله-ا گؤره یئرینه گتیرین کی سیزی جنّته آپارسینلار». نهج البلاغة: الخطبة 167 منتخب میزان الحکمة: 444
امام صادق‌ده (ع) بیر حدیثده بویوربلار: «الله تعالی بویوروب: بنده‌م اونا واجب ائله‌دیغیمدان ساوایی اینن اؤزونو منه محبوب ائله‌مه‌ییب». الکافی: 2 / 82 / 5 منتخب میزان الحکمة: 444