تاریخ بویو مذهبی اعتقادلاردا غُلُو
ائدنلرین شاهدی اولموشوق کی شیعه مذهبینده‌ده واردیلار.
«غالیلار» اؤزلرینی مسلمان گؤرسدنلردیلر
کی اماملرین نقشی باره‌ده غلو ائدیب اماملارین مقامی باره‌ده اعتدالدان کنارا چیخانلاردیلار. اونلار اماملار
باره‌ده اساس‌سیز سؤزلر
دانیشیرلار. اماملارین بو جور انحرافلاری آشکار صورتده قیناییب دانلاییبلار.
حضرت علی (ع) و اوغلو امام حسندن (ع)
سونراکی اماملارین هئچ بیری‌نین سایسی مقامی یوخیدی. بو استثنا امام رضا باره‌ده ده اولور چ.نکی امام رضا (ع) ولیعهدلیق مقامینی
مجبوری و عزل-نصبی اختیاری اولمادیغی تقدیرده قبول ائله‌دی.
سیاست اینن جدّی صورتده رابطه‌ده اولماماق، شیعه حدیث حوزه‌سینی آیری بیر سمته چکدی. امام خصوصیّتلری بحثلرینده مطرح اولان سؤزلر و
امام اقتداری‌نین حوزه‌سی باره‌ده اولان بحثلر،
غیر سیاسی جنبه‌لرین
داها چوخ مطرح اولونماسینی گؤرسدیر. بو باره‌ده لاپ بؤیوک
شاهد امامت بحثی‌نین کلام
بحثی داخلینده یعنی عقیده اصولو ضمنینده اولماسی اولا بیلر. بیر حالدا کی اونون عملی
جنبه‌لری فوری
اولسایدی فقه حوزه‌سینه
تاپیشیریلاردی. بو وضعیتده تماماً سیاسی و نظامی اولان کربلا واقعه‌سی، تصوّف حرکتینده حل
اولدو.
امامت مفهومونون و هابئله کربلا واقعه‌سی‌نین غیر سیاسی
اولماسیندا غالی‌لرین چوخ
نقشلری وار. اونلار اماملارا لاهووتی بنظر وئرماغینان، امامتین سیاستدن آیری
اولماسیندا گؤزه
گلیم تأثیرلری واریدی. غالی‌لر بو آیه‌نین
تفسیرینده: :«هو الذی فی السماء اله و فی الارض اله» دئییردیلر کی یئرده‌کی «اله» همان
امامدیر. اونلارین بو سؤزلری باعث اولدو امام صادق (ع) اونلاری مشرکلردن داها پیس
سایسین.
غالی‌لرین بیر عدّه‌سی ادعا ائلیردیلر (نعوذ بالله) جبرئیل پیغمبرین سئچمه‌سینده خطا ائدیب و حضرت علی‌نی (ع) سئچمه‌لی ایدی.
غالی‌لر کربلا واقعه‌سینه عجیبه نظرلری وار. اونلار امام حسینی (ع) بو
حادثه‌ده عیسی بن مریمین (ع) اولدوغو موقعیّتده‌نه اوخشاتدیلار. نئجه کی یهودیلر مسیحین یئرینه
آیری آدامی صلیبه چکدیلر. کربلادا داکوفه‌لیلر حنظله بن اسعد شامینی امام حسینین (ع)
یئرینه اؤلدوروبلر ! یاخجی اولار همان روایتی بوردا نقل ائدک. علامه مجلسی حدیثین
ترجمه‌سینی
بئله یازیب:
ابن بابویه معتبر سند اینن روایت ائلیر کی اباصلت هروی
امام رضانین (ع) محضرینه دئییر: «کوفه‌ده بیر عده حسین بن علی‌نین (ع)
شهید اولماماسینی ادّعا ائلیرلر و الله تعالی حنظله بن سعدی اونا اوخشاتدی و او
حضرتی گؤیلره آپاردی، عیسی‌نی
گؤیلره آپاردیغی کیمی. اونلار بو آیه‌نی حجت و دلیل گتیریرلر: «و لن یجعل الله للکافرین علی المومنین سبیلا» (نساء/141)
الله کافرلری مؤمنلره مسلط ائله‌مز»
حضرت بویوردو: «یالان دئییلر، الله-ین لعنتی اونلارا اولسون. اونلار
پیغبری (ص) تکذیب ائله‌ماغینان
کافر اولوبلار چونکی پیغمبر (ص) او حضرتین شهادتیندن خبر وئرمیشدی. آ«د اولسون
الله-ـا کی حسین اؤلدورولدو و حسیندن یاخجی اولان‌دا اؤلدورولدو
یعنی امیرالمؤمنین و امام حسن (علیهما السلام) و رسالت اهل بیتی‌نین هامیمیز شهید
اولاروق و منی مکر و حیله اینن زهر اینن شهید ائلیه‌جاقلار. و بو منه
پیغمبردن خبر چاتیب. و او حضرتی الله طرفیندن جبرئیل خبردار ائله‌ییب. الله تعالی‌نین او آیه‌ده‌کی منظورو بودور
کی کافرین مؤمنه حجّتی یوخدور. نئجه اولا بیلر بوجور اولسون بیر حالداکی الله
تعالی قرآندا پیغمبرلرین ناحق یئره کافرلر طرفیندن اؤلدورولمه‌سینی خبر وئریب.
لیکن اونلارین اؤلماقلارینن بئله پیغبرلرین حجّتی اونلارا غالب ایدی و حقیقتلری
ظاهریدی.