مسلمانلار مختلف علملری ترجمه ائله‌ییب توسعه وئرمه‌سه ایدیلر غربین اؤز اثرلرینی یئنیدن اوخوماغا امکانی اولمایاجاغیدی. مسلمانلار دنیانین گون علملری‌نین اؤرگشماغینی لازم گؤردوقلاری زمان مختلف علملرین ترجمه‌سینه و توسعه‌سینه ال آتدیلار.
غربه یول تاپان اثرلر و اونلارین قدیم عصرینن سوستالمیش رابطه‌لرینی گوجلندیرن اثرلر، یونان دیلیندن عرب دیلینه ترجمه اولان کتابلار ایدی. حقیقتده مسلمانلار فلسفه‌دن علاوه مختلف علملره توسعه وئریب و گؤزه گلیم علمی تمدّن یاراتدیلار. سونرا بو تمدّن غربه ده چاتدی. حقیقتده ترجمه حرکاتی‌نین ظهورو اینن قدیم یوناندان قیریلان غرب، تازادان اونا چاتدی. بو مسأله مدرن اروپانین ترقّی‌سینه چوخ مهم ایدی.
مسلمانلار بو علملری ساخلاییب و توسعه وئرمه‌سه ایدیلر غرب اؤز اثرلرینی تازادان اوخویا بیلمزدی و او علملری بوتوولوقدا الدن وئرردی. سونراکی عصرلرده اروپا، مسلمانلارین مادّی ترقّیسی‌نین شاهدی اولدو و اونو اؤزونه خط باشی کیمی و یا مبارزه اوچون بیر موضوع کیمی، مقصد قالبیندا نظرده توتدو.
مسلمانلار عرب دیلینه چئوریلمیش کتابلاردان بهره‌لنیب علمه توسعه وئردیلر. مثال اوچون ابن سینانین «قانون» کتابی، طبّ عرصه‌سینده اولماسایدی قدیمی منبعلر آرادان گئتمیش اولاردی و اونلاری توسعه وئرماق امکانی اولمازدی. غرب عالملری عرب دیلینده اولان بو کتابدان بؤیوک منبع کیمی استفاده ائله‌دیلر.
مسلمانلار، علمی ترجمه ائدیب ساخلاماقدان علاوه اونا توسعه وئریب و الی آچیقجاسینا غرب عالیملرین اختیاریندا قویدولار. غربلیلر ده بو آچیلمیش سوفره‌دن بهره‌لنیب علملرینی توسعه وئردیلر. بو مسأله‌نین لاپ مهم زمانی، قرون وسطی دؤرونده ایدی کی غرب عالملری متنلری عرب دیلیندن ترجمه ائله‌ماغینان مسلمانلارین علملرینه ال تاپیب اوندان فایدالاندیلار.