امام باقردن (ع) بیر روایت و ام سلمه‌نین دیلینن پیغمبردن (ص) بیر حدیث اساسیندا امام زمانین کؤمکلری‌نین بیر تعدادینی خانیملار تشکیل ائدیر.
امام زمانین (عج) محضرینه گئدن خانیملارین بیرینجی دسته‌سی او زماندا یاشایانلارداندیلار کی او حضرتین الله‌ین امن حرمینده ظهورو زمانی او حضرتین خدمتینه چاتارلار. بو باره‌ده ایکی روایت وار:
بیرینجی روایت: امّ سلمه ظهور علامتلری باره‌ده بیر حدیث ضمنینده پیغمبردن روایت ائدیر: یعوذ عائذ من الحرم فیجتمع الناس إلیه کالطّیر الواردة المتفرقة حتّی یجتمع إلیه ثلاث مأة و أربعة عشر رجلاً فیه نسوة فیظهر علی کلّ جبّار و ابن جبّار...[1]
بیر سیغینان، الله‌ین امن حرمینه سیغینار و جماعت، دؤرد طرفدن هجوم ائدن قوشلار کیمی، اوچ یوز اون دؤرد نفر ییغیشانا قدر، اونا طرف ییغیشارلار. اونلارین بعضیسی خانیملاردیلار کی هر جبّارا و جبّار اولادینا غالب اولارلار . . .
ایکینجی روایت: جابر بن یزید جعفی، امام باقردن (ع) مفصّل بیر حدیث ضمنینده ظهور علامتلری باره‌ده یازیب: و یجیی ء واللّه ثلاث مأة و بضعة عشر رجلاً فیهم خمسون امراة یجتمعون بمکة علی غیر میعاد قزعا کقزع الخریف یتبع بعضهم و هی الآیة الّتی قال اللّه : «أینما تکونوا یأت بکم اللّه جمیعا إنّ اللّه علی کلّ شی ء قدیر...[2]
الله‌ـا آند اولسون اوچ یوز اون اوچ نفر گله‌جاق و اللی نفری خانیمدیر کی اوّلدن قرار قویمامیش مکّه‌ده بیر-بیری‌نین کناریندا ییغیشاجاقلار. بودور شریفه آیه‌نین معناسی: «هر یئرده اولساز الله سیزی حاضر ائلر. چونکی او هر ایشه قادردیر».
اوچ یوز اللی نفردن اللیسی آرواد!
بو ایکی روایتین حیرت وئریجی مقاملاری وار. بیرینجی: اوچ یوز اون اوچ کیشی ییغیشار و اونلارین اللیسی آرواددیر !
ایکینجیسی: او حضرتین کؤمکلری‌نین آدلاری ساییلان روایتده اصلاً خانیم آدی یوخدور.[3]
بو ایکی مقامی بئله توضیح ائتماق اولار: بو اللی نفر همان اوچ یوز اون اوچ نفرین ایچینده‌دیلر چونکی اولاً امام «فیهم» کلمه‌سیندن استفاده ائدیب. یعنی بو عدّه‌نین اللیسی خانیمدیر.
دوماً: اولا بیلسین «کیشیلر» تعبیری بونا گؤره اولا کی سایی‌نین چوخو کیشیدیر و او جهتدن غالبین عنوانیندان استفاده ائدیب.
ثالثاً: بو ساییدان کناردا کؤمک نظرده توتولسایدی «معهم» کلمه‌سیندن استفاده ائدردی، «فیهم» یوخ. چونکی بو اوچ یوز اون اوچ نفر بدر اصحابی عددی کیمی ساییلیبلار و هامیسی یوخاری رتبه‌لی باشچیلاردیلار و قدرت جهتیندن چوخ یوخاری حدّده‌دیلر کی بعضیسی بولوتلا یئر به یئر اولورلار و شبهه‌سیز عادی جماعتدن فرقلنیرلر. بونا گؤره اونلاری اوچ یوز اون اوچ نفرین سیراسیندا بیلساق اونلارا مخصوص موقعیّت وئرمیش اولوروق یوخسا حضرتین آیری کؤمکلری سیراسیندا اولماقلارینی دئساق، اونلارا آز امتیاز وئرمیش اولوروق.
[1] . صدوق، محمد بن علی بن الحسین، کمال الدین، ج 2، ص476
[2] . الهیثمی، نورالدین علی بن ابی بکر، مجمع الزوائد، ج 7، ص315؛ معجم احادیث الإمام المهدی، ج 1، ص
[3]. المجلسی، محمد باقر، بحارالانوار، ج 52، ص