حضرت فاطمه‌نین (س) خوطبه‌سینده ایشاره اولدوغو کیمی فدکین غصبی، حقیقتده بوتون ایلاهی حؤکملری آیاقلاماقدیر؛ چونکی پیغمبرین(ص) قورآندان سونرا لاپ موهیم یادیگاری، اهل بیتی(ع) قیراغا قویماغین بینؤوره داشینی و ایسلام اومّتینده ایختیلافین داشینی قویدو.

فدک مسأله‌سینده دیقت یئتیماغیمیزین موهیم نوقطه‌سی بودور کی بیز فدک جریانینا مادّی باخمامالی‌یوق.

تاریخی سندلر و اهل بیتین(ع) بیاناتینا گؤره‌ده فدک تکجه محصوللو باغدان داها یوخاری مسأله‌یه چئوریلیب و اونون مادّی جنبه‌سینه دیقّت یئتیریلمیر.

فدک جریانی حضرت فاطمه‌نین (ع) فدکیه خوطبه‌سیندن سونرا اهل بیتین (ع) یئرینی غصب ائله‌ماق سمبولونا چئوریلیب. فدکین غصبی حقیقتده امیرالمؤمنین علی‌نین (ع) خلافتینی غصب ائله‌ماق، پیغمبرین(ص) امرلینی ضایع ائله‌ماق و حضرت زهرانین (س) خوطبه‌سینده ایشاره اولان کیمی بوتون ایلاهی حؤکملرین آیاقلانما معناسیندادیر. چونکی فدکین غصبی خلافتین غصبینه بیر موقدّیمه ساییلیردی. حقیقتده پیغمبرین(ص) قورآندان سونرا لاپ موهیم یادیگاری، اهل بیتی(ع) قیراغا قویماغین بینؤوره داشینی و ایسلام اومّتینده ایختیلافین داشینی قویدو.

ایسلام اومّتی‌نین او زمانکی پارچالانماسی گون به گون چوخالماقدادیر و ایندی بو ایختیلافی آرادان آپارماق و بو جامیعه‌نی بیرلشدیرماق چوخ چتیندیر