علم قودرت اولدوغونا گؤره اوندان سوءایستیفاده اولور. آما علم اؤز اؤزلوغوندا یاخشی بیر شئیدیر. کئچن عصرلرده مودئرن علم، باشلانیشیندا اولان زمان فرانسیس بیکن علمین معریفت پیکرینه ایشیق سالماسینی پیشبینلیق ائله‌دی. هابئله اینسان علم کؤلگه‌سینده کونترول و پیشبینلیق قودرتینه صاحیب اولدو. بو طریقینن اؤز یاشاییشینی یاخشیلاشدیریب قاباغا گئتدی.
آما بعضیلری بیکنین سؤزونه تیجاری بیر تبلیغ کیمی باخیرلار. دیقّت یئتیرمک لازیمدیر علم‌ده آیری فعالیتلر و ایشلر کیمی محدود و ناقیصدیر. بعضی علمی کشفلرده اینسانا ضرر وورماق پوتانسیلی وار البته کشفیّاتین بعضیسی‌ده یاخجی و فایدالی اولوب. بونا گؤره کی علم قودرت ساییلیر. بو، بیکنین تأکید ائله‌دیغی نوکته ایدی. علمین قودرت اولدوغونا گؤره اوندان سوء ایستیفاده‌ده اولار. چونکی قودرتدن سوء ایستیفاده اولار.
دیقّت یئتیرمک لازیمدیر کی علم، تحقیق و آختاریشین تکجه یولودور. علم باره‌سینده دیقّت یئتیرمه‌لی مسأله اونون قودرتینی گؤرمه‌دیم حسابلاماماق و عکسینه اونون اعتیباری باره‌ده موبالیغه ائله‌مه‌مکدیر. علمینن اوزلشمه طرزی ائله اولمالیدیر کی اینسانین اله گتیردیکلری دانیلماسین و آیری طرفدن علم او قدر موقدّس اولمامالیدیر کی اونا ایفراطی اصالت وئریله.
علمه ایفراطی اصالت وئرمکدیر کی بو گون «علملی یاناشماق» (Scientism)باره‌ده سؤز گئدنده منفی معناسی اولور و بو عیبارتین اؤزونده علمه تحقیرلی باخیشی وار.