اللی ایلدن آرتیق ایسلام مکتبی نشریّه‌سینده خیدمتلرینه گؤره،
قومون ایسلامی ایرشاد و فرهنگ مودیر کولّی، قومدا آیت‌الله سبحانی و مکارمدن تجلیل مراسیمی و حوزه‌نین اوچونجو بین‌المیللی و تخصوصی کیتاب نوماییشگاهی‌نین قورولماسیندان خبر وئردی.
اسماعیلی طبا، خبرنیگارلار جمعینده «اللی ایلدن آرتیق ایسلام مکتبی نشریه‌سی‌نین اینتیشاریندان تجلیل» مراسیمی‌نین قورولوماسیندان خبر وئریب دئدی: ایسلام مکتبیندن درسلر مجلّه‌سی اللی ایلدن آرتیق فعالیتینن اؤلکه‌نین داخیل و خاریجینده عقیده‌لرین تقویتی و ایسلامین گوسترشینده یاخجی آددیملار آتیب.
او بونا ایشاره ائله‌ماغینان کی رحمتلیق علامه طباطبایی، شهید مطهری، شهید مفتح، شهید باهنر و شهید بهشتی بو نشریه‌نین یازانلاریندان ایدیلر و بو گونکی شخصیتلردن آیت الله سبحانی و مکارمدن آد آپارماق اولار، آرتیردی: بو نشریه‌نین طاغوت دؤرونده و اینقیلابدان سونراکی دواملی اینتیشاری، جامیعه‌ده معنویّاتین روشدونده اساسلی نقشی واریدی و بو گون نشریه‌نین اللی ایلدن آرتیق فعالیتیندن تشکّور اوچون، اونون بونیانگوذارلاریندان تشکّور مراسیمی برگوزار اولاجاق.
قومون ایسلامی ایرشاد و فرهنگ مودیر کولّی، بونا ایشاره ائله‌ماغینان کی بو مراسیم ایمامین 57-جی ایلده قوما وارید اولماسی‌نین ایل دؤنومونده برگوزار اولاجاق، دئدی:بو مراسیم ایسفندین اونو سحر ساعت اوندا جامعه مودرسین ایجتیماعات سالونوندا برگوزار اولاجاق و ایسلام مکتبی بونیانگوزارلارین بعضیسی او جومله‌دن آیت‌الله سبحانی و مکارمدن تجلیل اولاجاق.