رحمتلیق شیخ صدوق نقل ائدیر پیغمبرین (ص) قیلینجی‌نین دسته‌سینده بو عیبارت یازیلمیشدی:
«صِلْ مَنْ قطعک و قُلِ الحقَّ و لَوْ عَلیکَ یا علی نَفْسِکَ و أحْسِنْ بِمَنْ أسَاءَ إلیْکَ»
رحمتلیک علامه مجلسی، رحمتلیک شیخ صدوقون امالی‌سیندن نقل ائدیر کی پیغمبرین (ص) قیلینجی‌نین یاپیشان یئیرنده بو جومله‌لر یازیلمیشدی:
«صِلْ مَنْ قطعک و قُلِ الحقَّ و لَوْ عَلیکَ یا علی نَفْسِکَ و أحْسِنْ بِمَنْ أسَاءَ إلیْکَ»
نه مؤحتَوالی سؤزلر، اؤزو ده قیلینج قبضه‌سینده ! یعنی ایندی کی پیغمبر (ص) قودرته چاتیب و الینه قیلینج آلیب نه ائتمه‌لیدیر؟ آیا ایشی ساواشماق، قان تؤکماق و رحمسیزلیقدیر؟ یوخسا رحمت، لوطف و کرم؟
قیلینج موهاجیمین دفعی و موزاحیمین رفعی اوچون اولدوغونا گؤره قبضه‌سینه یازیلیب:
«صِلْ مَنْ قطعک؛ بیری سندن قیریلسا سن اونا قوشول».
او سنین ائوینه گلمه‌سه سن اونون ائوینه گئت؛ حالینی سوروشماسا سن اونون حالینی سوروش؛ دئمه او گلمه‌دی من‌ده گئتمیرم؛ او منیم حالیمی سوروشمادی من‌ده سوروشمارام.
«قُلِ الحقَّ و لَوْ عَلیکَ یا عَلی نَفْسِکَ؛ (هر زمان و هر یئرده) سنه زیانی‌دا اولسا حقی سؤیله.
«و أحْسِنْ بِمَنْ أسَاءَ إلیْکَ؛ سنه پیسلیق ائدنین حقّینده یاخجیلیق ائله».
بیزینن رابیطه‌سی اولمایانا کی بیزه یاخجیلیغی یا پیسلیغی کئچمه‌ییب، خیدمت ائله‌ماق و اونون موشکولونو حل ائله‌ماق چوخ موهیمدیر. البته گؤزل ایش گؤروموشوق آما ائله‌ده موهیم ایش گؤرمه‌میشیق. بیزه خیدمت ائلیه‌ن بیر اینسانا، خیدمت ائله‌دیغیمیز زمان‌دا یئنه موهیم ایش گؤرمه‌میشیق.
موهیم بودور کی بیزه پیسلیغی کئچمیش اینسانا کی بیزیم یولوموزدا قویو قازیب، یاخجیلیق ائدک. موشکولونو حل ائدیب یولوندان تیکان گؤرتوراق؛ کمال و اخلاق مکاریمی بودور.نیه کی بیزیم اولگوموز حضرت محمد (ص) بویوروب:
«إنی بعثت لأتمم مکارم الاخلاق»
من اخلاق مکاریمینی کمالا چاتدیرماق اوچون گلمیشم.