موسلمانلاری عیزّتی و اونلارین آراسیندا قان تؤکمگین دایانماسی‌نین تکجه یولو بیرلیق و ایسلامی تقریبدیر.
قورآن کریم، « واعتصموا بحبل الله جمیعا و لاتفرقوا» آیه‌سینده حبل (ایپ) کلمه‌سیندن ایستیفاده ائدیر. عرب ادبیّاتیندا قورآندان قاباق بو کلمه‌دن بو معنادا ایستیفاده اولماغین سابیقه‌سی یوخدور.
قورآن ایستیر دئسین داغیلمیش اومّت بیر اینسانا اوخشور کی قویویا دوشوب و گرک اؤزونو بو ایپینن ائشیگه چیخاردا. بوردا دا بو نوکته‌یه ایشاره اولور کی ایسلام اومّتی داغیلاندا تکجه ایلاهی ایپه چنگ وورماغینان نجات تاپا بیلر.
رحمتلیق کاشف‌الغطانین دئدیگی کیمی اینانیلمازدیر کی بیر نفر بیرلیغی ضررلی و داغیناقلیغی فایدالی بیلسین. نئجه کی بو سؤزو 1355-جی قمری ایلینده «شیعه عصری» کیتابی‌نین موقدّمسینده بو نوکته‌نی خاطیرلادیبلار.
ایسلام اومّتی بیرلشیب واحید اولسا بو قان تؤکمه‌لر و جنگلر قورتولار و موسلمانلارین ناموسلاری حیفظ اولار. بیرلیق کؤلگه‌سینده ایسلام تورپاقلارینا، بیگانه‌لرین حمله‌سی دایانار و موسلمانلارین عیزّتی حیفظ اولار.
بیز تقریب و بیرلیغا چاغیریریق آمّا بو تقریب تذویب معناسیندا دئییل. بیز بونو ایسته‌میریک کی شیعه سونّیده ذوب اولوب اریسین. بیز چالیشیریق بوتون موشترک نوکته‌لره تأکید ائله‌ماغینان وحدته طرف گئدک و تفرقه‌لی مسأله‌لردن اوزاق اولاق. ایسلام اومّتی‌نین اعتیقادلاری‌نین یوزده دوخسانی موشترکدیر و بیز بو نوقطه‌لره تأکید ائله‌ساق وحدت حاصیل اولار.