وهابیلرین مدینه‌یه سولطه
تاپماقلارینن, شیعه ایماملاری و ایسلامین چوخلی بؤیوکلری‌نین قبری بو مونحریف فیرقه
طرفیندن تخریب اولدو. او گونه‌جن مدینه‌ده دفن اولان ایماملار و ساییر ایسلام
بؤیوکلری‌نین قبری اوستونده گونبذ و ضریح واریدی آما او زماندان بویانا وهابیلر
ایسلام بؤیوکلری و ایماملارین قبیرلر و ضریحلرین تخریب ائله‌ماغینان موسلمانلاری او
حضرتلرین زیارت فیضیندن محروم ائله‌دیلر. بو واقیعه‌ده تخریب اولان قبرلردن ایمام
حسن موجتبی(ع), ایمام سجاد(ع), ایمام محمد باقر(ع) و ایمام جعفر
صادق(ع) قبری‌ایدی. وهابیلرین بو وحشیانه حرکتی, ایسلام دونیاسینی مخصوصاً شیعه‌لری
ناراحات ائله‌دی. شیعه ایماملاری قبرلری‌نین داعیلماسیندان علاوه, حضرت عبدالله,
حضرت آمنه (پیغمبرین آتا و آناسی), مالک, پیغمبرین عمیسی عباس, مالکی, ایمام جعفر
صادقین (ع) اوشاقلاریندان اسماعیل و . . .قبرلری ده تماماً تخریب اولدو.